රුසියානු විද්‍යාඥයින් විසින් නව පිළිකා එන්නතක් නිපදවා ඇති අතර එය දැන් සායනික භාවිතය සඳහා සූදානම් බව ෆෙඩරල් වෛද්‍ය හා ජීව විද්‍යාත්මක ඒජන්සිය (FMBA) පවසනවා.
මෙම එන්නත සඳහා පළමු අවධානය යොමු වන්නේ මහා අන්ත්‍රයේ පිළිකාවට යොමු වන මහා අන්ත්‍ර පිළිකාවටයි.
වේගයෙන් වර්ධනය වන මොළයේ පිළිකාවක් වන ග්ලියෝබ්ලාස්ටෝමා සහ ඇසට බලපාන අක්ෂි මෙලනෝමා ඇතුළු ඇතැම් මෙලනෝමා වර්ග (බරපතල සමේ පිළිකාවක්) සඳහා මෙම එන්නත බලපානු ලබනවා.
එන්නතෙහි ආරක්ෂාව සහ බලපෑම පිළිබඳව රුසියාව පවසන්නේ කුමක්ද?
“රුසියානු එන්ටරෝමික්ස් පිළිකා එන්නත දැන් සායනික භාවිතය සඳහා සූදානම්” යැයි රුසියානු ෆෙඩරල් වෛද්‍ය සහ ජීව විද්‍යාත්මක ඒජන්සිය (FMBA) නිවේදනය කර තිබෙනවා.
FMBA ප්‍රධානී වෙරෝනිකා ස්ක්වෝර්ට්සෝවා පැවසුවේ mRNA මත පදනම් වූ එන්නත පූර්ව සායනික අත්හදා බැලීම් සාර්ථකව සමත් වී ඇති බවත්, ආරක්ෂාව සහ ඉහළ කාර්යක්ෂමතාව යන දෙකම පෙන්නුම් කර ඇති බවයි.
එය පිළිකා හැකිලීම සහ වර්ධනය මන්දගාමී කිරීම සඳහා සැලකිය යුතු ප්‍රතිඵල පෙන්නුම් කළ අතර නැවත නැවත භාවිතා කිරීම සඳහා ආරක්ෂිත බව සොයා ගෙන තිබෙනවා.
එන්නත සෑම රෝගියාගේම RNA වලට ගැලපෙන පරිදි සකස් කරනු ලබන අතර, එය සම්පූර්ණයෙන්ම පුද්ගලාරෝපිත ප්‍රතිකාරයක් බවට පත් කර තිබෙන බවයි විදෙස් වාර්තාවල සදහන් වන්නේ.
රුසියානු පර්යේෂකයන් පිරිස් විසින් මෙම එන්නත අත්හදා බලමින් සිටි අතර පසුගිය වසර 3 පුරාම එහි පූර්ව සායනික අත්හදාබැලීම් සිදුකර තිබුණා.
මෙම එන්නතේ මූලික භාවිතය කොලොරෙක්ටල් පිළිකා සඳහා වනු ඇති බව බලධාරීහු පවසා තිබෙන බවයි විදෙස් වාර්තාවල දැක්වෙන්නේ.
