ශ්රී ලංකාවේ වාහක රෝග පාලනය, මර්ධනය, කළමණාකරනය, විශිෂ්ඨ මට්ටමක පවතින බව ලෝක සෞඛ්ය සංවිධානයේ නියෝජිතයින් පෙන්වා දුන් බව සෞඛ්ය අමාත්යංශය පවසයි.
ශ්රී ලංකාවේ වාහකයින් මගින් බෝවන ඩෙංගු, මැලේරියා, බරවා සහ ලීෂ්මේනියා (Dengue, Malaria, Filariasis, & Leishmaniasis) යන රෝග පිළිබඳ ඒකාබද්ධ බාහිර සමාලෝචනයක් ලෝක සෞඛ්ය සංවිධානයේ නියෝජිත පිරිසක් විසින් පසුගිය 13 වනදි සිට 20 වනදා දක්වා මෙරට දී සිදු කිරීමට පියවර ගෙන ඇත.
මෙතෙක් සිදු කරන ලද ක්ෂේත්ර ඇතුලු අනෙකුත් නිරික්ෂණ වලින් අනතුරුව ලබාගත් දත්ත හා තොරතුරු පිළිබදව ලෝක සෞඛ්ය සංවිධානයේ මෙරට නේවාසික නියෝජිත ආචාර්ය අලාකා සිං මහත්මිය ඇතුලු නියෝජිත පිරිස එහි අවසන් දිනය වන අද (20) දින සෞඛ්ය හා කර්මාන්ත අමාත්ය වෛද්ය රමේෂ් පතිරණ මහතා සහ එම අමාත්යාංශයේ නිළධාරීන් දැනුවත් කිරීමට පියවර ගන්නා ගැනිණි.
ඒ අනුව එම නියෝජිත කණ්ඩායම අද දින (20) සෞඛ්ය අමාත්යාංශයේදී සෞඛ්ය අමාත්යවරයා හමුවී ඒ පිළිබදව විශේෂ සමාලෝචනයක නිරත විය.
ශ්රී ලංකාව තුළ ඩෙංගු, මැලේරියා, බරවා සහ ලීෂ්මේනියා රෝග මර්දනය සහ පාලනය සදහා සෞඛ්ය අමාත්යාංශය ගෙන ඇති ක්රියාමාර්ග විශිෂ්ඨ මට්ටමක පවතින බව එම නියෝජිත කණ්ඩායම මෙහිදී පෙන්වා දෙන ලදී. මෙරට සෞඛ්ය පද්ධතිය තුළ එම රෝග පාළනයට, මර්ධනයට, ඉතා ප්රශස්ථ කළමනාකරණයකින් කටයුතු කරන බවත්, මෙරට සෞඛ්ය වෘත්තිකයින් මනා කැපවීමේන් එම කටයුතු සිදුකර බවද එම නියෝජිත කණ්ඩායම මෙහිදී අමාත්යවරයා හමුවේ කියා සිටියේය.
මෙවැනි විශේෂ සමාලෝචන වල වැදගත්කම මෙහිදී අමාත්ය අමාත්ය වෛද්ය රමේෂ් පතිරණ මහතා පෙන්වා දුන් අතර මෙරට සෞඛය සේවාවේ ඉදිරි ප්රගමනය සදහා ලබා දෙන දායකත්වයට ලෝක සෞඛ්ය සංවිධානයටත්, එම නියෝජිත කණ්ඩායමටත් විශේෂ ප්රශංසාවක්ද අමාත්යවරයා මෙහිදී සිදු කලේය.
ශ්රී ලංකාවේ ප්රාථමික සෞඛ්ය සේවාව ශක්තිමත්ව, ගුණාත්මකව, කාර්යක්ශම සෞඛ්ය සේවාවක් ලෙස පවත්වා ගෙන යාමට සෞඛ්ය අමාත්යාංශය නව වැඩපිළිවෙල රැසක් ක්රියාවට නංවා ඇති බව පෙන්වා දුන් අමාත්යවරයා ඩෙංගු, මැලේරියා, බරවා සහ ලීෂ්මේනියා රෝග පාලනය, මර්දනය සහ ප්රතිකාර සේවා අංශයන් ද ශක්තිමත් කිරිමට ද පියවරගෙන ඇති බවද එමෙන්ම මෙවැනි සමාලෝචන තුලින් රෝග වැළැක්වීම, පාලනය, පවතින උපාය මාර්ග සහ අඩුපාඩු පිළිබද දැනුවත්වීම මෙන්ම අභියෝගවලට මුහුණ දීම ඉහළ නැංවීමට හැකියාව ද ලැබෙන බව අවධාරණය කරන ලදි.
මෙම අවස්ථාවට සෞඛ්ය අමාත්යංශයේ ලේකම් විශේෂඥ වෛද්ය පාලිත මහීපාල, සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන, වසංගත රෝග විද්ය අංශයේ ප්රධානී වෛද්ය සුදත් සමරවීර, ඇතුලු පිරිසක් සහභාගී වූහ.
