එළඹෙන පෙබරවාරි 14 වැනිදාට යෙදෙන ආදරවන්තයන්ගේ දිනය නිමිත්තෙන් ප්රේමයෙන් පරාජයට පත් වූ තරුණ තරුණියන් වෙනුවෙන් පෝලන්ත සත්වෝද්යානයක් විනෝදකාමී මෙන්ම අපූරු පළිගැනීමේ අවස්ථාවක් හඳුන්වා දී තිබේ. ඒ අනුව තමන්ව හැරගිය හිටපු සහකරු හෝ සහකාරියගේ නමින් කැරපොත්තෙකු නම් කිරීමටත්, පසුව එම කැරපොත්තා ‘මීර්කැට්’ (Meerkat) සතුන්ට ආහාර ලෙස ලබා දීමටත් ප්රේමයෙන් පරාජිත වූවන්ට මෙහිදී අවස්ථාව හිමිවේ.
මෙම සුවිශේෂී වැඩසටහන යටතේ යුරෝ 12ක් වැනි මුදලකට කැරපොත්තෙකු නම් කළ හැකි අතර, යුරෝ 72ක VIP පැකේජයක් මිලදී ගන්නන් හට සත්වෝද්යාන නිලධාරීන්ගේ අධීක්ෂණය යටතේ පෞද්ගලිකවම එම කැරපොත්තා මීර්කැට් සතුන්ට ආහාර ලෙස ලබා දීමට පහසුකම් සලසා දී ඇත. 2023 වසරේදී ප්රථම වරට ආරම්භ කළ මෙම වැඩසටහන හරහා ලැබෙන ආදායම වඳවීමේ තර්ජනයට ලක්ව ඇති සතුන් ආරක්ෂා කිරීමේ ව්යාපෘති සඳහා යොදවන බව සත්වෝද්යාන බලධාරීන් ප්රකාශ කරයි.
මෙම පුවත සමාජ මාධ්ය ජාල තුළ දැඩි කතාබහට ලක්ව ඇති අතර, බොහෝ පිරිසක් හාස්යජනක ප්රතිචාර දක්වමින් තම හිටපු පෙම්වතුන් සම්බන්ධයෙන් වූ අමිහිරි මතකයන් මෙලෙස පළිගැනීමක් හරහා පිට කර ගැනීමට උනන්දුවක් දක්වන බව වාර්තා වේ. මෙම අපූරු ප්රවර්ධන වැඩසටහන පෙබරවාරි 28 වැනිදා දක්වා ක්රියාත්මක කිරීමට සත්වෝද්යානය සැලසුම් කර තිබේ.
