වැසිකිළි වළක් පිපිරීමෙන් පුද්ගලයෙකු මියයාමේ සිද්ධියක් හබරාදූව ප්‍රදේශයෙන් වාර්තා වනවා.
හබරාදූව, පිලාන ප්‍රදේශයේ නිවසක තිබූ වැසිකිළි වළකුයි මෙලෙස පිපිරී ගොස් තිබෙන්නේ.
සිද්ධියෙන් 56 හැවිරිදි පිලාන, වංචාවල ප්‍රදේශයේ පදිංචිකරුවෙක් ජීවිතක්ෂයට පත්ව තිබෙනවා.
වලාන පොලිසිය පවසන්නේ මියගිය පුද්ගලයා වැසිකිළි වළට කාබයිඩ් වැනි ද්‍රව්‍යයක් එකතු කර වායුවක් ලබා ගැනීමට දැරූ ප්‍රයත්නයක් හේතූවෙන් මෙම පිපිරීම සිදුව ඇති බවයි.
අදාළ පුද්ගලයා බරපතළ තුවාල ලබා තිබෙන අතර ප්‍රදේශවාසීන් විසින් ගාල්ල ජාතික රෝහලට ඇතුළත් කර තිබෙනවා.
කෙසේ වෙතත් රෝහල් ආරංචි මාර්ග පැවසුවේ රෝහලට රැගෙන එන විටත් ඔහු මියගොස් සිටි බවයි
ඊයේ (12) සවස මෙම අනතුර සිදුව තිබෙනවා.
