එක්සත් ජාතීන්ගේ හිටපු මානව හිමිකම් කොමසාරිස්වරයාගේ ශ්රී ලංකා සංචාරය අතරතුර මාර්ග අවහිර කරමින් උද්ඝෝෂණය කළ බවට චෝදනා එල්ල වී ඇති ජාතික නිදහස් පෙරමුණේ නායක විමල් වීරවංශ මහතා ඇතුළු හය දෙනෙකුට එරෙහි නඩුව අද (19) කොළඹ ප්රධාන මහේස්ත්රාත් අධිකරණයේදී කැඳවනු ලැබීය.
මෙහිදී කොළඹ ප්රධාන මහේස්ත්රාත් අසංග එස්. බෝදරගම මහතා නියෝග කළේ ලබන මාර්තු 09 වැනිදා අධිකරණයේ පෙනී සිට කරුණු දක්වන ලෙස කුරුඳුවත්ත පොලිසියේ සුළු පැමිණිලි අංශ ස්ථානාධිපතිවරයාට නොතීසි නිකුත් කරන ලෙසයි. මෙම සිද්ධිය සම්බන්ධයෙන් විමර්ශනය කිරීමේදී පොලිසිය නිසි ක්රියාදාමයන් අනුගමනය කර නොමැති බව පෙනී යාම හේතුවෙන් මහේස්ත්රාත්වරයා මෙම තීරණය ගෙන තිබේ.
පැමිණිල්ල කැඳවූ අවස්ථාවේදී සැකකරුවන් ලෙස නම් කර සිටින විමල් වීරවංශ, ජයන්ත සමරවීර, වීරකුමාර දිසානායක, පියසිරි විජේනායක, රොජර් සෙනෙවිරත්න සහ මොහොමඩ් මුසාමිල් යන මහත්වරුන් අධිකරණය හමුවේ පෙනී සිටි අතර සාක්ෂිකරුවන් දෙදෙනෙකු ද අද දින සාක්ෂි ලබා දෙන ලදී.
