කොළඹ සුගතදාස එළිමහන් ක්‍රිඩාංගණ පරිශ්‍රයේ Block D හි ස්ථාපිත කෙරුණු ශ්‍රී ලංකා උත්තේජක මර්දන නියෝජ්‍යායතනයේ නව ගොඩනැගිල්ල ජනාධිපති මෛත්‍රීපාල සිරිසේන මහතා අතින් ඊයේ (28) පෙරවරුවේ විවෘත කෙරිණි.
තහනම් උත්තේජක භාවිතය මැඩපවත්වා පිරිසිදු ක්‍රිඩාවක් හා විනය ගරුක ක්‍රිඩා පරපුරක් මෙරටෙහි බිහි කිරීම වෙනුවෙන් උත්තේජක මර්දන නියෝජ්‍යායතනය ක්‍රියාත්මක වේ.
රුපියල් මිලියන 190 ක වියදමින් ඉදිකර තිඛෙන මෙම නව ගොඩනැගිල්ල මහල් 05 කින් සමන්විත අතර, ජාත්‍යන්තර මට්ටමේ පිළිගත් තහනම් උත්තේජක පරීක්ෂණ සිදුකිරීමට අවශ්‍ය කලාප මෙම ගොඩනැගිල්ල තුළ ස්ථාපිත කර තිබේ. එමෙන්ම සම්මන්ත්‍රණ හා දැනුවත් කිරීමේ වැඩසටහන් පැවැත්වීමට අංගසම්පූර්ණ ශ්‍රවණාගාරයකින් ද මෙය සමන්විතය.
සමරු ඵලකය නිරාවරණය කර නව ගොඩනැගිල්ල විවෘත කළ ජනාධිපතිවරයා එහි නිරික්ෂණ චාරිකාවක ද නිරත විය.
අමාත්‍ය හරින් ප්‍රනාන්දු, ශ්‍රී ලංකා උත්තේජක මර්දන නියෝජ්‍යායතනයේ සභාපති මහාචාර්ය අර්ජුන් ද සිල්වා යන මහත්වරුන් ද ක්‍රිඩා උපදේශකවරුන්, පුහුණුකරුවන්, ක්‍රිඩක ක්‍රිඩිකාවන් ඇතුථ පිරිසක් මෙම අවස්ථාවට එක්ව සිටියහ.
