උඩරට රාජධානියේ අවසන් රජු වූ ශ්රී වික්රම රාජසිංහ රජතුමා සහ රෙංගම්මාල් බිසවගේ 6 වන පරම්පරාවට අයත් ලේ ඥාතීන්ගේ සහභාගිත්වයෙන් රජුගේ 194 වන ගුණ සමරුව අද (27) මහනුවර ඓතිහාසික ශ්රී නාථ දේවාල පරිශ්රයේදී උත්සවාකාරයෙන් පවත්වා තිබේ.
රජු අතීතයේදී ඔටුණු පැළඳූ මෙම පින්බිමේදී පැවති සැමරුම සඳහා පේරාදෙණිය විශ්වවිද්යාලයේ ඉතිහාස අංශයේ මහාචාර්ය රෝහණ දසනායක මහතා සහ ශ්රී වික්රම රාජසිංහ ගුණ සමරු පදනමේ කැඳවුම්කරු අරූන් සෙල්වරාජ් මහතා මූලිකත්වය ගෙන කටයුතු කර ඇත.
මෙම අවස්ථාවට රජුගේ ඥාතීන් ලෙස කුරුණෑගල ප්රදේශයේ පදිංචි විශ්රාමික ගුරු උපදේශිකා එස්. කලාරාණී මහත්මිය ඇතුළු පිරිසක් සහ මාතලේ පදිංචි ඥාති සාමාජිකයින් රැසක් එක්ව සිටියහ.
රජුට සමීප ඥාති සම්බන්ධයක් පවතින බව පැවසෙන මේෂාන් වඩුගොඩපිටිය මහතා ද මෙම සැමරුමට සහභාගී වූ අතර, වසර 194කට පසුව රජුගේ ලේ ඥාතීන් මෙලෙස ප්රසිද්ධියේ සංවිධානය වූ සුවිශේෂී අවස්ථාවක් ලෙස මෙය ඉතිහාසයට එක් වේ.
