2025 වසරේ පළමු මාස දෙක තුළදී ශ්‍රී ලංකාවට පැමිණි සංචාරකයින් සංඛ්‍යාව ලක්ෂ 5 ඉක්මවා ඇති බව සංචාරක සංවර්ධන අධිකාරිය විසින් පවසා තිබේ.
එමෙන්ම 2025 මුල් මාස දෙක තුළ ශ්‍රී ලංකාවේ සංචාරක ආදායම ඇමරිකානු ඩොලර් මිලියන 768 ඉක්මවා තිබේ.
2024 වසරේදී බලාපොරොත්තු වූ පරිදි විදෙස් සංචාරකයින් මිලියන 2ක ඉලක්කය සාර්ථකව ඉටු කරගැනීමට ශ්‍රී ලංකාවට හැකි බවද එම අධිකාරිය විසින් පවසා තිබේ.
2025 වසරේ පළමු මාස දෙක තුළදී ලක්ෂ 5කට අධික විදෙස් සංචාරකයින් පැමිණීම මෙම ක්ෂේත්‍රයේ තවදුරටත් ධනාත්මක බලාපොරොත්තු ඇති කරන අතර 2025 වසර තුළ විදෙස් සංචාරකයින් මිලියන 3ක ඉලක්කයක් සපුරාලීමට බලාපොරොත්තු වෙයි.
