බටලන්ද කොමිෂන් සභා වාර්තවේ නිර්දේශ තුළ අදාළ වධකාගාරය පවත්වාගෙන යාම සම්බන්ධයෙන් හිටපු ජනාධිපති රනිල් වික්‍රමසිංහ මහතා වගකිව යුතු බව මහජන ආරක්ෂාව සහ පාර්ලිමේන්තු කටයුතු නියෝජ්‍ය අමාත්‍ය නීතිඥ සුනිල් වටගල මහතා පවසා සිටියි.
ඔහු මේ පිලිබද පැවසුවේ අද (10) පාර්ලිමේන්තුවේ දී බටලන්ද කොමිෂන් සභා විවාදයේ දිය.
ඔහු කර්මාන්ත හා විද්‍යාත්මක කටයුතු අමාත්‍යවරයා ලෙස කටයුතු කළ කාලය තුළ බලය අනිසි ලෙස භාවිතා කිරීම සහ වධකාගාරවලට සම්බන්ධ වීම සම්බන්ධයෙන් ඔහු වගකිව යුතු බවයි අමාත්‍යවරයා පවසා සිටියේ.
නියෝජ්‍ය අමාත්‍ය නීතිඥ සුනිල් වටගල මහතා,
සපුගස්කන්ද පොලිස් ස්ථානයට කවුද පහර දුන්නේ කියලා හරියටම කොමිෂන් සභා වාර්තාවේ තියෙනවා. සපුගස්කන්ද පොලිස් ස්ථානයට ගැහුවේ ගෝනවල සුනිල්. ගෝනවල සුනිල්ව ගෙන්නුවේ , රනිල් වික්‍රමසිංහ, රවි ජයවර්ධන ඒ අය තමා සුනිල්ව ගෙන්වලා සපුගස්කන්ද පොලිසියට ගැහුවේ.
මම කියවන්නම් කොමිසන් සබා වාර්තාවේ තියෙන දේ
‘‘ ගෝනවල පෙරේරා යනු එක්සත් ජාතික පක්ෂයේ ක්‍රියාකාරී ආධාර කරුවන් බව ප්‍රසිද්ද කාරණයකි. ක්‍රියාකාරී දේශපාලනයේ නිරත වූවන් අතර සුමිත් පෙරේරාගේ බාප්පා කෙනෙකු වන සුනිල් පෙරේරා හෙවත් ගෝනවල සුනිල් වූයේය. රනිල් වික්‍රමසිංහ මහතාට අනුව ගෝනවල සුනිල් ඔහුගේ ක්‍රියාකාරී ආදාරකරුවෙකු වූ අතර හෙතෙම එජාපයේ ප්‍රාදේශීය නායකයෙකු වශයෙන් ක්‍රියාකර ඇත්තේය. ගෝනවල සුනිල් වික්‍රමසිංහ මහතා සමග දීර්ඝ කාලයක් සමිපව ඇසුරු කරමින් සිට ඇත. වික්‍රමසිංහ මහතාට ගෝනවල සුනිල්ගේ නිවසෙහි පැවති සාදයන්ට පවා ආරාධනා කරනු ලැබ ඇත. රනිල් වික්‍රමසිංහ මහතා එතර සිට මෙරටට පැමිණෙන අවස්ථා වල දි ඔහු කටයුනායක ගුවන් තොටුපලට යාමට ගෝනවල සුනිල්ට පුරුද්දක්ව තිබුණි. එජාපයේ සුළු කණ්ඩායම් රැස්වීම් සදහා ගෝනවලගේ නිවස පාවිච්චි කරනු ඇත. වික්‍රමසිංහ මහතා බටලන්දේ පදිංචිව සිටි සංචාරක බංගලාවේ භාරකරු වන අතර විංසන් පෙරේරාගේ සාක්ෂියට අනුව වික්‍රමිසිංහ මහතා සංචාරක බංගලාවේ පදිංචිව සිට ගෝනවල සුනිල් එහි නිතරම යන එන තැනැත්තෙක් වූවේය. “
අපි කියන්නේ සපුගස්කන්ද පොලිසියට ගැහුවේ සුනිල් උනාට මෙය පිටිපස්සේ සිටියේ රනිල් බවයි.
https://www.facebook.com/share/v/19QqHMZ1rd/
