විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා ප්‍රකාශ කළේ, සමලිංගික (LGBTQ) සංචාරකයින් කැඳවීම සහ ප්‍රවර්ධනය කිරීම රජයේ ප්‍රවර්ධන ප්‍රතිපත්තියක් නොවන බවයි.
මෙම ප්‍රකාශය, ජාත්‍යන්තර සංචාරක දිනය නිමිත්තෙන් කොළඹදී ජනාධිපති අනුර කුමාර දිසානායක මහතාගේ ප්‍රධානත්වයෙන් පැවති “ජාත්‍යන්තර සංචාරක නායකත්ව සමුළුව” අතරතුර දී සිදු විය.
“අපිට කිසිදු උවමනාවක් නැහැ එහි ගුණාත්මකභාවය පහල දමමින් ප්‍රමාණය පමණක් වැඩිකරගෙන අපේ රටේ සංස්කෘතියට, සභ්‍යත්වයට හානිදායක වන අයුරින් කිසිවක් කරන්න.
ඒ නිසා ඉතා වගකීමෙන් කියන්න කැමතී කිසිඳු ආකාරයක සම ලිංගික සංචාරකයින් ප්‍රවර්ධනය කිරීම අපේ ප්‍රතිපත්තිය නෙවෙයි.
එහෙම ප්‍රතිපත්තියක් අපිට නැහැ. රජය සමලිංගික සංචාරයකන් ප්‍රවර්ධනය කිරීමේ ප්‍රතිපත්තියක නැහැ. ඒක ඉතාම වගකීමෙන් අවධාරණය කරනවා”යයිද අමාත්‍යවරයා වැඩිදුරටත් පවසා සිටියා.
