කොත්මලේ ජලාශයේ වාන් දොරටු විවෘත කිරීමේ අවස්ථාවන්හි, පැරණි සයිරන් නාද කිරීම වෙනුවට ජංගම දුරකථන කෙටි පණිවිඩ හෝ සමාජ මාධ්ය මඟින් සන්නිවේදන ක්රමයක් භාවිතා කිරීමට හැකියාව පවතින බව පා.ම උදය ගම්මන්පිල පවසනවා.
හිටපු මන්ත්රීවරයා සඳහන් කර සිටියේ මෙම සයිරන් නාද කිරීම ඉතා යල් පැන ගිය ක්රියාවලියක් බවයි.
එමෙන්ම ජලාශයට ජලය ගල එන වේගය අනුව ජලාශය පිරීමට ගතවන කාලය කලින් ගණනය කරගත නොහැකි වුයේ ඇයි දැයි මන්ත්රීවරයා පවසා සිටියා.
”සයිරන් එක නාද කිරීම ඉතා පැරණි තාක්ෂණයක්. මොකද මහා වැස්ස මැද සයිරන් එක විනාඩි 10කට කලින් ගැහුවත් හඬ ඇහෙන්නේ නැති වෙන්න පුළුවන්. ඇහුනත් විනාඩි 10ක් ඇතුළත කරගන්න දෙයක් නැති වෙන්න පුළුවන්. ජලාශයට වතුර එන වේගය අනුව ජලාශය සම්පූර්ණයෙන් පිරෙන්න කොච්චර වෙලාවක් යයිද ඒ අනුව වාන් දොරටු අරින්නේ කොයි වේලාවේද කියන එක පැය කිහිපයකට කලින් දැන ගැනීමේ හැකියාව තිබෙනවා. කල් ඇතිව ගණනය කරගත්තේ නැත්තේ ඇයි කියල ජනාධිපතිතුමා ප්රශ්න කරනවා අපිවත් දැක්කේ නැහැ. දෙක ඇයි මේ සයිරන් ගහන්නේ මේක අවුරුදු 100කට වඩා පරණ තාක්ෂණයක්. අද බොහෝ දෙනෙකුට ප්රදේශයේ ජනතාවගෙන් 99%කටම තියෙනවා ජංගම දුරකථන.මේ ජංගම දුරකථනවලට කෙටි පණිවිඩයක්, SMS එකක් එවල මේක දැනුම් දුන්නා නම් නැත්නම් ලවුඩ්ස්ස්පිකර් බැඳලා නිවේදනය කළා නම් නැත්නම් යටවිය හැකි ප්රදේශ කලින් ගණනය කළ හැකියි. එතකොට ඒ ප්රදේශවල ඉන්න අයට වට්ස් ඇප් සමූහයන් වැනි සමාජ මාධ්ය භාවිතා කරලා මේ ගැන සනිවේදනය කරන්න කටයුතු කළේ නැත්තේ ඇයි?මෙන්න මේවා තමයි ජනාධිපතිතුමා විසින් ඇසිය යුතුව තිබුණු ප්රශ්න. අවාසනාවට එවැනි ප්රශ්න කිරීමක් දැක්කේ නැහැ.”
