සාජා හි සජා (Sajaa) කාර්මික කලාපයේ පිහිටි වාණිජ ඛනිජ තෙල් ගබඩා මධ්යස්ථානයක සෙනසුරාදා සවස් කාලයේ හදිසි ගින්නක් හටගෙන තිබේ. සාජා සිවිල් ආරක්ෂක බලකාය මැදිහත් වී ගින්න සාර්ථකව පාලනය කළ බව බලධාරීන් තහවුරු කරයි.
පරීක්ෂණවලට අනුව, එක් ටැංකියක ඇති වූ කාන්දුවක් හේතුවෙන් මෙම ගින්න හටගෙන ඇත. එරට වේලාවෙන් රාත්රී 9:02 ට ලැබුණු තොරතුරකට අනුව ක්රියාත්මක වූ සහන කණ්ඩායම්, වහාම ගින්න නිවා දැමීමටත් රත්වූ ටැංකි සිසිල් කිරීමටත් (Cooling operations) පියවර ගෙන තිබේ.
සිද්ධියෙන් කිසිවෙකුට හානි වූ බවට වාර්තා වී නොමැති අතර, ගින්න සම්පූර්ණයෙන්ම මැඩපැවැත්වීමෙන් පසු එහි ඇති වූ කාර්මික දෝෂය පිළිබඳව වැඩිදුර විමර්ශන ආරම්භ කිරීමට නියමිතය.
