බලන්ගොඩ පොලිසියේ අපරාධ විමර්ශන අංශයේ ස්ථානාධිපතිවරයා (OIC) සැකකරුවෙකු පසුපස ලුහුබඳිමින් සිටියදී බිම ඇද වැටීමෙන් ඔහුගේ ඉණේ තිබූ රාජකාරි පිස්තෝලය පත්තුවී බරපතල තුවාල ලබා තිබෙනවා
අද (අප්රේල් 1) අලුයම 4:50ට පමණ මෙම අවාසනාවන්ත සිදුවීම වාර්තා වී ඇත්තේ බලන්ගොඩ මුගුණමලේ ප්රදේශයෙනි. යම් අපරාධයකට සම්බන්ධ වීමට සැකසහිත පුද්ගලයන් පිරිසක් එම ප්රදේශයේ කැලෑබද ප්රදේශයක සිටින බවට ලද තොරතුරක් මත අපරාධ විමර්ශන අංශයේ ස්ථානාධිපතිවරයා ඇතුළු කණ්ඩායමක් එම ස්ථානය වටලනු ලැබුවා
එම අවස්ථාවේදී සැකකරුවෙකු පළා යාමට උත්සාහ කර ඇති අතර ඔහු පසුපස ලුහුබඳිද්දී මෙම අනතුර සිදුව ඇති බවයි වාර්තා වන්නේ. තුවාල ලැබූ ප්රධාන පොලිස් පරීක්ෂකවරයා මුලින්ම බලන්ගොඩ මූලික රෝහලට ඇතුළත් කර ඇති අතර පසුව වැඩිදුර ප්රතිකාර සඳහා රත්නපුර ශික්ෂණ රෝහල වෙත මාරු කර යවා තිබෙනවා
