සුප්රසිද්ධ ඉතාලි විලාසිතා නිර්මාණකරු වැලන්ටිනෝ ගරාවානි ජීවිතක්ෂයට පත්ව තිබෙනවා.
මිය යන විට ඔහු 93 වන වියේ පසු වුණා.
ඔහු 20 වන සියවසේ විලාසිතා ක්ෂේත්රයේ දැවැන්තයෙක් ලෙස හඳුන්වනවා.
වැලන්ටිනෝගේ නිර්මාණ සම්මාන ගණනාවකට ද පාත්ර වී ඇති බවයි විදෙස් මාධ්ය වාර්තා කරන්නේ.
2023 පැවති බ්රිතාන්ය විලාසිතා සම්මාන උළෙලේදී ඔහුට විශිෂ්ට ජයග්රහණ සම්මානයක්ද හමු වුණා.
එලිසබෙත් ටේලර්, නැන්සි රේගන්, ෂැරන් ස්ටෝන්, ජූලියා රොබට්ස් සහ ග්විනේත් පැල්ට්රෝ ඇතුළු ප්රසිද්ධ පුද්ගලයින්ගේ විලාසිතාවන් සඳහා ඔහු සිය නිර්මාණ දායකත්වය ලබා දුන්නා.
ස්වීඩනයේ මැඩලීන් කුමරියගේ මංගල ඇඳුම නිර්මාණය කළේද වැලන්ටිනෝ ගරාවානි.
ඔහු “වැලන්ටිනෝ රතු” භාවිතා කරමින් සුප්රසිද්ධ ෆියෙස්ටා ඇඳුම එළිදැක්වීමත් සමඟ සිය සන්නාමය ගෝලීය කීර්තියට ඔසවා තැබීමට සමත් ව තිබෙනවා.
වැලන්ටිනෝගේ අවමංගල්ය දේව මෙහෙය ශාන්ත මරියා බැසිලිකාවේ දී පැවැත්වීමට නියමිතයි.
