සෞඛ්ය අමාත්යවරයා සමඟ මීට පෙර පැවැති සාකච්ඡාවලදී සිය ඉල්ලීම් සම්බන්ධයෙන් එළඹුණු ලිඛිත එකඟතාවන් ක්රියාත්මක කිරීමට බලධාරීන් අපොසත් වී ඇති බව රජයේ වෛද්ය නිලධාරීන්ගේ සංගමය (GMOA) පවසයි.
වෛද්ය වෘත්තිය සුවිශේෂී සේවා කාණ්ඩයක් ලෙස හඳුනාගෙන ඒ සඳහා නව වැටුප් ව්යුහයක් හඳුන්වා දීමට පොරොන්දු වී එය පාර්ලිමේන්තු හැන්සාඩ් වාර්තාවල පවා සටහන්ව තිබුණද, මේ දක්වා ඊට අදාළ කැබිනට් අනුමැතිය ලබා දීමට රජය පියවර ගෙන නොමැති බව එම සංගමයේ ලේකම් වෛද්ය ප්රභාත් සුගතදාස මහතා අවධාරණය කරයි.
ජනවාරි 5 වැනිදාට පෙර ඩැට් (DAT) දීමනාව යාවත්කාලීන කිරීම සහ අමතර රාජකාරී දීමනාව ස්ථාවර වැටුපට එකතු කිරීම සම්බන්ධයෙන් භාණ්ඩාගාරය සමඟ සාකච්ඡාවක් ලබා දීමට වූ පොරොන්දුව ද මෙතෙක් ඉටු වී නොමැති බව ඔහු පෙන්වා දෙයි.
මෙම අත්තනෝමතික ක්රියාකලාපය හේතුවෙන් රෝගී සත්කාරක සේවා බිඳ වැටෙන්නේ නම්, එහි සම්පූර්ණ වගකීම සෞඛ්ය අමාත්යවරයා සහ රජය භාරගත යුතු බව වෛද්ය සංගමය අවධාරණය කරයි.
මේ වන විට වෛද්යවරුන් සිය රාජකාරිවල නිරතව සිටියද, ඖෂධ සහ පරීක්ෂණ සඳහා බාහිර ආයතන වෙත නිර්දේශ නිකුත් නොකිරීම ඇතුළු ක්රියාමාර්ග 05ක් ඔස්සේ සිය විරෝධය පළ කරමින් සිටියි.
