මාතර හරිස්චන්ද්ර සමාගමේ පාලන බලය අත්පත් කර ගැනීමට ප්රකට ක්රිකට් ක්රීඩක අරවින්ද ද සිල්වා ප්රධාන කොටස්කරුවෙකු වන Ambeon Holdings PLC සමාගම සමත්ව ඇත. මීට මාස කිහිපයකට පෙර ප්රකට ව්යාපාරික ධම්මික පෙරේරා මහතාගේ හේලීස් සමාගම විසින් හරිස්චන්ද්ර සමාගමේ 40%ක කොටස් හිමිකමක් රුපියල් 3,300 බැගින් වූ ඉහළ මිලකට මිලදී ගනිමින් පෙරළියක් සිදු කළද, සමාගමේ බහුතර කොටස් හිමිකම (50%කට වඩා වැඩි) ලබා ගැනීමට ඔවුන්ට නොහැකි විය.
ඒ අනුව Ambeon Holdings සමාගම මේ වන විට හරිස්චන්ද්ර සමාගමේ 50%ක කොටස් හිමිකම සපුරා ගනිමින් එහි පාලන බලය තහවුරු කරගෙන තිබේ. ප්රකට ව්යාපාරික සෙන්තිවේල් මහතා සතුව තිබූ කොටස් හේලීස් සමාගම විසින් ලබා ගත්තද, අවසාන වශයෙන් පාලන බලය හිමිව ඇත්තේ Ambeon සමූහයටයි. දශක ගණනාවක් පුරා ශ්රී ලාංකේය වෙළෙඳපොළේ ප්රබල සන්නාමයක් වූ හරිස්චන්ද්ර සමාගම තුළ සිදුවූ මෙම හිමිකාරීත්ව වෙනස ව්යාපාරික ක්ෂේත්රයේ දැඩි අවධානයට ලක්ව ඇත.
