දැනට සිරගත කර සිටින ඉම්රාන් ඛාන් හට බන්ධනාගාරය තුළ මූලික මානව අයිතිවාසිකම් සහ ප්රමාණවත් වෛද්ය පහසුකම් නොලැබෙන බවට එල්ල වන චෝදනා මුල් කරගනිමින් ලොව ප්රකට හිටපු ක්රිකට් නායකයින් 14 දෙනෙකු පාකිස්තාන අගමැති ෂෙබාස් ෂරීෆ් වෙත ඒකාබද්ධ ලිපියක් යොමු කර ඇත. ඉම්රාන් ඛාන්ගේ එක් ඇසක් සම්පූර්ණයෙන්ම පාහේ අන්ධ වී ඇති බවට පළ වන වාර්තා මෙම ක්රීඩකයන්ගේ දැඩි කම්පනයට හේතු වී තිබේ.
මෙම විශේෂ ලිපිය සැකසීමට මූලිකත්වය ගෙන ඇත්තේ හිටපු ඕස්ට්රේලියානු නායක ග්රෙග් චැපල් මහතායි. ඊට අත්සන් තබා ඇති සෙසු ප්රබල ක්රීඩකයන් අතර සුනිල් ගවස්කාර්, කපිල් දේව්, ඇලන් බෝඩර්, ස්ටීවන් වෝ, ශ්රීමත් ක්ලයිව් ලොයිඩ්, නසාර් හුසේන් සහ මයිකල් ඇතර්ටන් වැනි සුපිරි තරු ඇතුළත් වේ. ඉම්රාන් ඛාන් හට “ගෞරවයෙන් සහ මූලික මානව හිමිකම්වලට ගරු කරමින්” සලකන ලෙස ඔවුන් අගමැතිවරයාගෙන් ඉල්ලා සිටියි.
ඉම්රාන් ඛාන්ගේ පවුලේ සාමාජිකයන් පවසන්නේ ඔහුට අවශ්ය අවම වෛද්ය පහසුකම් පවා බන්ධනාගාර බලධාරීන් විසින් ලබා නොදෙන බවයි. ලෝක ක්රිකට් ඉතිහාසයේ අසමසම නායකයෙකු ලෙස සැලකෙන ඔහු මුහුණ දී සිටින මෙම අවාසනාවන්ත තත්ත්වය ක්රිකට් ලෝකයේ මෙන්ම ජාත්යන්තර දේශපාලන ක්ෂේත්රයේ ද දැඩි කතාබහට ලක්ව තිබේ.
