හම්බන්තොට රැස්වීමට අමරවීගේ පාක්ෂිකයෝ 15000 ක් එනවාලු !
ඉදිරි මැතිවරණ ඉලක්ක කර ගනිමින් නව සන්ධානයේ මූලිකත්වයෙන් ලබන 8 වැනිදා හම්බන්තොට දී පවත්වන පලමු මැතිවරණ ප්‍රචාරක රැලිය සඳහා මහින්ද අමරවීරගේ පාක්ෂිකයෝ 15000 කට අධික ජනතාවක් සහභාගී වීමට නියමිත බව වාර්තා වේ.
ඉදිරි මැතිවරණ ඉලක්ක කර ගනිමින් නව සන්ධානයේ මූලිකත්වයෙන් ලබන 8 වැනිදා හම්බන්තොට දී පවත්වන පලමු මැතිවරණ ප්‍රචාරක රැලිය පිලිබදව මූලික වටයේ සාකච්ඡාවක් බදාදා පස්වරුවේ පාර්ලිමේන්තුවේ පිහිටි නිමල් සිරිපාල ද සිල්වා ඇමතිවරයාගේ කාමරයේදී පැවැත්විණි.
මේ අවස්ථාවට නිමල් සිරිපාල,මහින්ද අමරවීර,නලින් ප්රනාන්දු,ලසන්ත අලගියවන්න,ජගත් පුශ්පකුමාර, අනුර ප්‍රියදර්ශන යාපා,නිමල් ලන්සා ඇතුළු පිරිසක් එක්ව සිටියහ.
මෙම රැලිය සදහා 15000 කට අධික ජනතාවක් සහභාගී වීමට නියමිත බවද මෙහිදී සාකච්ඡා කෙරිණි.
එම ජනතාවට අවශ්‍ය පහසුකම් ලබාදීම ගැනද අමරවීර ඇමතිවරයා මෙහිදී දීර්ඝ පැහැදිලි කිරීමක් කලේය.
“ඔබතුමාල කවුරුත් පාක්ශිකයින් එක්ක එන්න එපා.මේකට එන්නෙ හම්බන්තොට මගේ පාක්ශිකයියෝ විතරමයි”අමරවීර ඇමතිවරයා කීවේ තරමක් උස් හඩකිනි.
“එහෙනම් ඉතින් අපට තියෙන්නෙ ඇවිත් සහභාගී වෙන්න විතරයිනෙ”අනුර යාපා කිවේ සිනාසෙමිනි.
” දැන් රැලිය තියන තැන ගැන තීරණයක් අරගෙනද තියෙන්නෙ” නලින් ප්රනාන්දු විමසීය
“කොහෙ තිබ්බත් අපි මේක තියන්නෙ එක්කො සජබෙ තිබ්බ තැනක් නැත්තන් මාලිමාව තිබ්බ තැනක්, එතකොට බලන්න පුලුවන් කාටද වැඩිම සෙනග කියල” නිමල් සිරිපාල ,අමරවීර දෙස බලමින් කීවේය
මේ අතර ජනාධිපති රනිල් වික්‍රමසිංහ මහතා විසින් පත්කල මැතිවරණ මෙහෙයුම් කමිටුව සදහා බැසිල් රාජපක්ෂ හිටපු ඇමතිවරයා සහ ඔහුගේ නියෝජිතයින් පැමිණෙන්නේ නම් නව සන්ධානයේ කිසිදු නියෝජිතයෙකු ඊට සහභාගී නොවීමට පසුගිය සතියේ සිට තීරණය කර තිබූ අතර අනතුරුව පැවති සාකච්ඡා වට දෙකක්ම නව සන්ධානය වර්ජනය කලේය.ඒ පිලිබදවද මෙහිදී කතාබහක් ඇතිවිය.නව සන්ධානයේ සිටින්නේ රාජපක්ෂ විරෝධී පිරිසකි.ඔවුන් එම විරෝධය නිසා ඉන් ඉවත් වූයේ යලි කිසිදා ඔවුන් සමග සිට ගැනීමට නොවේ.
එම නිසා මෙම විරෝධය ඉදිරියටද එලෙසින්ම ක්‍රියාත්මක වේ
එම විරෝධය නිසා ඉවත්ව නව සන්ධානයේ කටයුතු කරන මන්ත්‍රීවරුන් 40 කට ආසන්න පිරිස ඉදිරි ජනාධිපතිවරණ සටනේදී ජනාධිපති රනිල් වික්‍රමසිංහ මහතාට සහාය දෙන්නේ වෙනම කණ්ඩායමක් විදිහට මිස රාජපක්ෂ කදවුර සමග එකට එක්ව නොවේ
” මාධ්‍යයෙන් ඇහුවොත් මේක පැහැදිලි කරන්න නැත්තන් සමාජයට වැරදි මතයක් යන්න පුලුවන්” ලන්සා පිරිස දෙස බලමින් කීවේය
රාජපක්ෂවරුන් වේදිකාගතවන කිසිම රැලියකට නව සන්ධානයට සහාය දෙන කිසිම මන්ත්‍රීවරයෙකු එක් නොවන බවද මෙහිදී සියලු දෙනා එකගතාවයකට පැමිණිමද විශේෂත්වයක්.
සාකච්ඡාව අවසානයේ ශ්‍රීලනිප අර්බුදය ගැනද මන්ත්‍රීවරුන් කතාබහ කලහ.
“දැන් මොකද ,ශ්රී ලංකා එකේ අර්බුදයත් ඉක්මනින්ම විසදගන්න වෙයි”නලින් ප්රනාන්දු කීවේය
“පක්ශ ව්‍යවස්ථාවේ පැහැදිව තියනව සාමාජිකයකු වෙලා මාස හයක් යනකන් තනතුරකට එන්න බෑ කියල විජේදාස ඇමතිතුමාගේ මාර්තු පාර්ලිමේන්තු පඩියෙනුත් සාමාජික මුදල් කැපිල තියෙන්නෙ පොහොට්ටුවට” ලසන්ත අලගියවන්න කීවේය
” පැහැදිලිවම මේක කරන්නෙ බල තන්හාවට කියල ජනතාව තේරුම් ගනීවි” නිමල් සිරිපාල කීවේ තරමක් කේන්තියෙනි.
ඉතා ඉක්මනින්ම අධිකරණයට කරුණු පැහැදිලි කර මෙම නඩු විසදා ගැනීමට කටයුතු කරන බවද ශ්‍රීලනිප මන්ත්‍රීවරුන් මෙහිදී කියා සිටියහ.
විශේෂ වාර්තාකරු
