වයස අවුරුදු 19ක් වන ලෝක ශූර ලූක් ලිට්ලර් (Luke Littler), එංගලන්තයේ මයින්හෙඩ් හි පැවැති UK Open ඩාර්ට්ස් තරගාවලියේ අවසන් මහා තරගයෙන් ජේම්ස් වේඩ් (James Wade) පරාජය කරමින් අඛණ්ඩව දෙවන වරටත් ශූරතාව දිනා ගැනීමට සමත් විය. තරග වට 11-7ක් ලෙස ජයග්රහණය වාර්තා කළ ලිට්ලර්, 2015 සහ 2016 වසරවලදී මයිකල් වැන් ගර්වෙන් ලැබූ ජයග්රහණයෙන් පසු මෙම ශූරතාව පිට පිටම ආරක්ෂා කරගත් පළමු ක්රීඩකයා බවට පත්විය. ලොව අංක එකේ ක්රීඩකයා වන ලිට්ලර් මෙම ජයග්රහණය වෙනුවෙන් පවුම් 120,000ක (රුපියල් කෝටි 4.5කට අධික) ත්යාග මුදලක් ද හිමිකර ගත්තේය.
අවසන් තරගයේදී ලිට්ලර් මුලින් 3-0ක් ලෙස පෙරමුණ ගත්තද, ප්රබල ක්රීඩකයෙකු වන ජේම්ස් වේඩ් ලකුණු තත්ත්වය 3-3ක් සහ පසුව 6-6ක් ලෙස සම කිරීමට සමත් විය. ලිට්ලර් සිය උපරිම දක්ෂතා අතරට පිවිසීමට අපොහොසත් වුවද, තරගයේ තීරණාත්මක අවසාන අදියරේදී ලකුණු 7-7ක් ලෙස පැවති අවස්ථාවේ සිට අඛණ්ඩව වට 4ක් ජයගනිමින් ශූරතාව තහවුරු කර ගත්තේය. තරගය අවසානයේ ලිට්ලර්ගේ සාමාන්ය දක්ෂතාව (Average) 99.58ක් ලෙස සටහන් වූ අතර ඔහු පැවසුවේ තමන් මෙම තරගාවලිය පුරා දැඩි කැපවීමකින් ක්රීඩා කළ බවයි. අවසන් තරගයට පිවිසි ජේම්ස් වේඩ් මීට පෙර හිටපු ලෝක ශූරයන් තිදෙනෙකුම පරාජය කර තිබීම විශේෂත්වයකි.
