හෝමුස් සමුද්ර සන්ධිය (Strait of Hormuz) වැසී යාම හේතුවෙන් හටගෙන ඇති ගෝලීය තෙල් සැපයුම් හිඟය, ලෝක ඉතිහාසයේ වාර්තා වූ 1973 සහ 1979 දරුණු බලශක්ති අර්බුදයන්ටත් වඩා දරුණු විය හැකි බව ජාත්යන්තර බලශක්ති ඒජන්සිය (IEA) නිවේදනය කරයි. එම ඒජන්සියේ විධායක අධ්යක්ෂ ෆාති බිරෝල් (Fatih Birol) මහතා පෙන්වා දෙන්නේ වත්මන් යුදමය වාතාවරණය හමුවේ රටවල් 9ක් පුරා විහිදුණු බලශක්ති මධ්යස්ථාන 44කට බරපතල හානි සිදුව ඇති බවයි.
මෙම අර්බුදය තෙල් සහ ගෑස්වලට පමණක් සීමා නොවී, පොහොර, හීලියම් සහ විවිධ රසායනික ද්රව්ය ප්රවාහනය අඩාල කිරීමට ද හේතු වී තිබේ. මේ හරහා සමස්ත ගෝලීය ආර්ථිකයටම දැඩි බලපෑම් එල්ල වෙමින් පවතින බව ඔහු වැඩිදුරටත් අවධාරණය කරයි. විශේෂයෙන්ම කෘෂිකාර්මික හා කර්මාන්ත ක්ෂේත්රයන්හි සැපයුම් දාම බිඳ වැටීම නිසා ඉදිරි මාස කිහිපය තුළ ලෝක වෙළෙඳපොළේ භාණ්ඩ මිල ගණන් පාලනය කළ නොහැකි ලෙස ඉහළ යාමේ අවදානමක් පවතී.
