2025 වර්ෂයට අදාළ අධ්යයන පොදු සහතික පත්ර (උසස් පෙළ) විභාගයේ ප්රායෝගික පරීක්ෂණ පැවැත්වෙන දින වකවානු ශ්රී ලංකා විභාග දෙපාර්තමේන්තුව විසින් නිල වශයෙන් ප්රකාශයට පත් කර තිබේ. තාක්ෂණවේදය, සෞන්දර්යය සහ නාට්ය හා රංග කලාව යන විෂය ධාරාවන් යටතේ විභාගයට පෙනී සිටි අයදුම්කරුවන් සඳහා මෙම පරීක්ෂණ පැවැත්වීමට නියමිතය.
විභාග කාලසටහනට අනුව, ඉංජිනේරු තාක්ෂණවේදය විෂයයේ ප්රායෝගික පරීක්ෂණ 2026 මාර්තු 06 වනදා සිට මාර්තු 15 වනදා දක්වා දිවයින පුරා මධ්යස්ථානවලදී පැවැත්වේ. නර්තනය (දේශීය/භාරත), සංගීතය (පෙරදිග/කර්ණාටක/බටහිර) සහ නාට්ය හා රංග කලාව (සිංහල/දෙමළ/ඉංග්රීසි) යන විෂයයන්ට අදාළ ප්රායෝගික පරීක්ෂණ 2026 මාර්තු 09 වනදා ආරම්භ වී මාර්තු 16 වනදා දක්වා පැවැත්වීමට කටයුතු සලසා ඇත.
පාසල් අයදුම්කරුවන් සඳහා වන ප්රවේශපත්ර අදාළ පාසල්වල විදුහල්පතිවරුන් වෙත මේ වන විටත් යොමු කර ඇති අතර, පෞද්ගලික අයදුම්කරුවන්ගේ ප්රවේශපත්ර ඔවුන්ගේ පෞද්ගලික ලිපිනයන් වෙත තැපැල් මගින් යොමු කෙරේ. තැපෑලෙන් ප්රවේශපත්ර ලැබීමට ප්රමාද වන්නේ නම්, ප්රායෝගික පරීක්ෂණ ආරම්භ වීමට දින 7කට පෙර විභාග දෙපාර්තමේන්තුවේ නිල වෙබ් අඩවියෙන් (www.onlineexams.gov.lk) ඒවා බාගත කර ගැනීමට අවස්ථාව සලසා දී තිබේ.
