විදේශ රැකියාවලින් මෙම වසරේ ඇමෙරිකානු ඩොලර් බිලියන 7ක ප්‍රේෂණ අපේක්ෂා කරන බව ශ්‍රී ලංකා විදේශ සේවා නියුක්ති කාර්යාංශය පවසා සිටියි.
එමෙන්ම ශ්‍රි ලංකා විදේශ සේවා නියුක්ති කාර්යාංශයේ සභාපති කෝශල වික්‍රමසිංහ මහතා පවසා සිටි‌යේ මෙම වසර තුළදී ශ්‍රි ලාංකිකයින් 340,000 ක ප්‍රමාණයක් රැකියා සඳහා විදේශගත කිරීමට බලාපොරොත්තුවෙන් සිටින බවයි
මෙරට ආර්ථිකයේ වැදගත්ම සාධක අතරින් එකක් ලෙස විදේශගත ශ්‍රමිකයන් මෙරටට එවන විදේශ විනිමය ආදායම් හඳුන්වා දිය හැකි අතර රටේ විදේශ විනිමය සංචිත ගොඩනඟා ගැනීමට මේ විදේශ ගත ශ්‍රමිකයන් විශාල දායකත්වයක් බවත් ඒ මහතා පැවසීය.
2024 වර්ෂයේ දී ලාංකිකයින් 314,000 ක් පමණ රැකියා සඳහා විදේශ ගතවී ඇති අතර, අමෙරිකන් ඩොලර් බිලියන 6.51 ක් ප්‍රේෂණ ලෙස ලැබී තිබුණි.
