2026 වසරේ රාජ්ය වෙසක් උත්සවය මාතර දිස්ත්රික්කයේ කඹුරුපිටිය, තිහගොඩ මිදෙල්ලවල පුරාණ විහාරස්ථානයේදී පැවැත්වීමට තීරණය කළ බව බුද්ධශාසන, ආගමික කටයුතු සහ සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි මහතා අද (10) නිල වශයෙන් ප්රකාශ කළේය. බුද්ධශාසන සභාව සහ සමස්ත ලංකා ශාසනාරක්ෂක මණ්ඩලයේ නිර්දේශය මත මෙම තීරණය ගෙන තිබේ.
අමාත්යංශයේ පැවති විශේෂ මාධ්ය හමුවේදී අමාත්යවරයා වැඩිදුරටත් සඳහන් කළේ, බුද්ධශාසනයේ උන්නතිය වෙනුවෙන් රජය කැපවී සිටින බවයි. ඒ යටතේ ස්වාමීන්වහන්සේගේ දෙමාපියන් වෙනුවෙන් ‘බුදුපුත් මාපිය නිවාස’ වැඩසටහන ක්රියාත්මක කිරීම, විහාර දේවාලගම් පනත සංශෝධනය කිරීම සහ භික්ෂූන් වහන්සේලා වෙනුවෙන් නවීන හැඳුනුම්පතක් හඳුන්වාදීම වැනි වැදගත් තීන්දු රැසක් ගෙන ඇති බවද හෙතෙම පැවසීය.
