“Clean Sri Lanka” ජාතික වැඩසටහනට සමගාමීව ක්රියාත්මක වූ “Dimbulgamuwa Jack & Chill” ව්යාපෘතිය යටතේ ඉදිකළ නවීන කොස් අලෙවි කුටි 21ක් ඊයේ (23) ජනතා අයිතියට පත් කෙරුණි. මාතලේ, මඩවල උල්පත දිඹුල්ගමුව ප්රදේශයේ A9 ප්රධාන මාර්ගය අසල පල්ලේපොල ප්රාදේශීය ලේකම් කොට්ඨාසයේ මෙම ව්යාපෘතිය ක්රියාත්මක වේ. මීට පෙර අවධිමත් ලෙස පවත්වාගෙන ගිය කොස් අලෙවි කුටි වෙනුවට, රුපියල් මිලියන 9.6ක ආයෝජනයකින් ඉදිකළ මෙම නව කුටි හරහා ධීවරයින්ට සහ වෙළඳුන්ට වඩාත් සෞඛ්යාරක්ෂිත හා විධිමත් පරිශ්රයක සිය වෙළඳ කටයුතු සිදු කිරීමට අවස්ථාව සැලසේ. බුද්ධශාසන, ආගමික හා සංස්කෘතික කටයුතු නියෝජ්ය අමාත්ය ගමගෙදර දිසානායක මහතාගේ ප්රධානත්වයෙන් මෙම සමාරම්භක උත්සවය පැවැත්විණි.
