Forbes සඟරාව විසින් පළකළ ආසියාවේ අවුරුදු 30න් පහළ විශිෂ්ඨයන් 30 දෙනාගේ නම් ලැයිස්තුවට ශ්‍රී ලාංකිකයන් තිදෙනෙක්ගේ නම් ඇතුළත්ව තිබේ.
ඒ අනුව The Arts (Art & Style, Food & Drink) අංශයෙන් එම ලැයිස්තුව සඳහා Wild Cookbook හි චරිත් සිල්වා ඇතුළත් වී තිබේ..
ඉවුම් පිහුම් ක්ෂ්‍රේත්‍රයේ තමන්ට ආවේනික වූ හැඩයකින් චරිත් සිය නම ලෝකයට ගෙන යන්නේ තමන්ගේම උත්සාහයෙන් සහ කැපවීමෙනි.
ඒ වගේම E-Commerce ප්ලැට්ෆෝම් එක හරහා ඇය කළ කැපවීම මල් පළ ගන්වමින් යානිකා ද ඇයටම වෙන්වුන ගමන් මගක යමින් සිටින තරුණියකි.
2025 Forbes සඟරාවට අනුව ආසියාවේ අවුරුදු 30න් පහළ විශිෂ්ඨයන් 30 දෙනාගේ නම් ලැයිස්තුවට මොවුන් දෙදෙනාගේ නම්ගම් ඇතුළු වන්නේ ද අන්න ඒ නිසාවෙනි.
කෙකසේ වෙතත් Forbes සඟරාවේ 30න් පහළ විශිෂ්ටයින් අතරට මොවුන් දෙදෙනා තේරී පත්වීම ශ්‍රී ලංකා‌වට කීර්තියක් ගෙන එන්නකි.
‘Wild Cookbook’ YouTube වේදිකාව තුළ ලොවවටා රසික පිරිසකගේ ආදර දිනාගත් ශ්‍රී ලාංකික සූපවේදියෙකු වන චරිත් එන්. සිල්වා පසුගිය මාර්තු මස 28 වන දින සිය ග්‍රාහකයින් (subscribers) මිලියන 10 පසුකර යෑමට සමත් වූයේ මිලියන 10ක ග්‍රාහකයින් සංඛ්‍යාවක් ඉක්මවා ගිය පළමු ශ්‍රී ලාංකික Youtube නාලිකාවේ හිමිකරුවා බවට පත්වෙමිනි.
එපමණක් නොව ඔහු ශ්‍රී ලංකාවේ ප්‍රථම Diamond Play Button හි සාඩම්බර හිමිකාරත්වයට ද පත් වූයේ අපේ පුංචි රටේ නම ලෝකයට ගෙන යමිනි.
චරිත්ට චරිත්ගේම ආරෙකට උයන ඉවුම් පිහුම් රටාවක් පැවතීම සහ එයට වැඩ කිඩ දමා ප්‍රේක්ෂකයා ඇඳ ගැනීමට ඔහු කරන දෑ ඔහුගේ මෙම සාර්ථකත්වයට හේතු විය.
රීලාංකික තරුණ ව්‍යවසායිකාවක වන Silver Aisle හි නිර්මාතෘ යානිකා අමරසේකර Retail & Ecommerce අංශයෙන් දස්කම් පාමින් ඇයගේම ව්‍යවසායකත්වය තුළින් 2025 Forbes සඟරාවේ ඇයගේ නමත් ඇතුළත් කර ගැනීමට සමත් වී තිබේ.
විවාහ උත්සව සඳහා ත්‍යාග වෙන් කිරීමට ශ්‍රී ලංකාවේ පළමු වරට ආරම්භ කරන ලද ඩිජිටල් වේදිකාව වන Silver Aisle හි නිර්මාතෘවරිය ඇය වන අතර 2019 වසරේදී ආරම්භ කළ මෙම ඩිජිටල් වේදිකාව මේ වන විට විශාල ප්‍රමාණයක සේවාවන් සපයන පුළුල් ව්‍යාපෘතියක් බවට පත්ව තිබේ.
යානිකා ලන්ඩනයේ ඉම්පීරියල් කොලේජ් ව්‍යාපාරික පාසලෙන් ව්‍යවසායකත්වය නවෝත්පාදන සහ කළමනාකරණය පිළිබඳ MSC උපාධියක් සහ දේශපාලන ආර්ථිකය පිළිබඳ ශාස්ත‍්‍රවේදී උපාධියක් මෙන්ම කැලිෆෝනියාවේ UC Berkeley ජන සන්නිවේදනය පිළිබඳ ශාස්ත‍්‍රවේදී උපාධියක් ද හිමිකර ගෙන ඒ දැනුමෙන් වැඩත් ගත් අපේ කාලයේ තරුණියක් වීම සාඩම්බරයකි.
