ප්රසිද්ධ දේශපාලන ක්රියාකාරිනියක වන කැන්ඩස් ඕවන්ස් (Candace Owens), ඇමරිකානු ජනාධිපති ඩොනල්ඩ් ට්රම්ප් පිළිබඳව දැක්වූ අදහස් ඇතුළත් වීඩියෝවක් මේ වන විට සමාජ මාධ්ය ඔස්සේ දැඩි අවධානයට ලක්ව තිබේ. පියර්ස් මෝගන් සමඟ පැවැත්වූ සම්මුඛ සාකච්ඡාවකදී ඇය ප්රකාශ කර ඇත්තේ ට්රම්ප් යනු “දිගින් දිගටම බලාපොරොත්තු කඩ කළ” (Chronic disappointment) පුද්ගලයෙකු බවයි.
ජෝ බයිඩන් හෝ කමලා හැරිස්ට වඩා ට්රම්ප් හොඳ අපේක්ෂකයෙකු බව තවමත් විශ්වාස කරන නමුත්, ඔහුට ඡන්දය දෙන ලෙස ජනතාවට පැවසීම ගැන තමන් දැන් ලැජ්ජාවට පත්වන බව ඇය එහිදී අවධාරණය කළාය. “මෙය මා ඡන්දය දුන් අපේක්ෂකයා නොවෙයි,” යනුවෙන් පවසන ඇය, ට්රම්ප්ගේ ක්රියාකලාපය හේතුවෙන් ඇමරිකානු දේශපාලනයේ අනාගතය පිළිබඳව තමන් අවිශ්වාසයකින් පසුවන බව ද සඳහන් කළාය.
2025 ජුනි මාසයේදී පැවැත්වූ මෙම සම්මුඛ සාකච්ඡාව මේ වන විට යළිත් වෛරස් වෙමින් පවතින්නේ ට්රම්ප් පරිපාලනය යටතේ සිදුවන ඇතැම් දේශපාලන වෙනස්කම් හමුවේ ඇයගේ විවේචනය වඩාත් තීරණාත්මක වී ඇති බැවිනි.
