තඹුත්තේගම පොලිස් වසමේ මල්වානෙගම ප්රදේශයේ පදිංචිව සිටි 82 හැවිරිදි වියපත් කාන්තාවක සිය මුණුපුරා විසින් එල්ල කරන ලද පොලු පහරකින් ඝාතනය කර ඇති බවට වාර්තා වේ. ඊයේ (අප්රේල් 08) උදෑසන කාලයේදී ඇති වූ පෞද්ගලික ආරවුලක් දුරදිග යාමෙන් මෙම අවාසනාවන්ත සිදුවීම සිදුව ඇති බව පොලිස් විමර්ශනවලදී අනාවරණය වී තිබේ.
ඝාතනය සම්බන්ධයෙන් වයස අවුරුදු 23ක් වන මියගිය කාන්තාවගේ මුණුපුරා පොලිසිය විසින් අත්අඩංගුවට ගෙන ඇත. මියගිය මිත්තණියගේ මෘත ශරීරය මේ වන විට තඹුත්තේගම රෝහලේ මෘත ශරීරාගාරයේ තැන්පත් කර ඇති අතර, තඹුත්තේගම පොලිසිය මේ පිළිබඳව වැඩිදුර විමර්ශන සිදු කරනු ලබයි.
