එළැඹෙන සිංහල හා හින්දු අලුත් අවුරුදු උත්සවය නිමිත්තෙන් අප්රේල් 13 සහ 14 යන දෙදින තුළ දිවයින පුරා පිහිටි සියලුම මත්පැන් අලෙවිසැල් වසා තැබීමට සුරාබදු දෙපාර්තමේන්තුව තීරණය කර තිබේ. නියෝජ්ය සුරාබදු කොමසාරිස් රොෂාන් පෙරේරා මහතා සඳහන් කළේ මත්පැන් විකිණීම සඳහා බලපත්රලත් සියලුම ස්ථාන මෙම දිනයන්හි වසා තැබිය යුතු බවයි.
අලුත් අවුරුදු සමය තුළ සිදුවන සුරා අපරාධ සහ දුම්කොළ අපරාධ සම්බන්ධයෙන් පැමිණිලි ඉදිරිපත් කිරීමට මහජනතාවට අවස්ථාව සලසා දී ඇත. ඒ සඳහා සුරාබදු දෙපාර්තමේන්තුවේ මෙහෙයුම් මැදිරියට අනුයුක්ත ක්ෂණික ඇමතුම් අංකය වන 1913 අංකය භාවිත කරන ලෙස එම දෙපාර්තමේන්තුව මහජනතාවගෙන් ඉල්ලා සිටියි. උත්සව සමයේ නීති විරෝධී මත්පැන් ජාවාරම් සහ අනෙකුත් සුරා අපරාධ මැඩපැවැත්වීම සඳහා සුරාබදු නිලධාරීන් විශේෂ මෙහෙයුම් ක්රියාත්මක කිරීමට ද සැලසුම් කර තිබේ.
