ගෝලීය කෘෂිකාර්මික දැවැන්තයෙකු වන චීනය සිය “වසන්ත සී සෑමේ” (Spring Ploughing) කටයුතු නවීන තාක්ෂණයෙන් සවිබල ගන්වා ආරම්භ කර ඇති අතර, එය ශ්රී ලංකාවේ සාම්ප්රදායික ගොවිතැනට වඩා බෙහෙවින් වෙනස් මාවතක පවතී. චීනය සිය වගා බිම් සඳහා කෘත්රිම බුද්ධිය, ස්වයංක්රීය යන්ත්ර සූත්ර සහ ‘BeiDou’ චන්ද්රිකා පද්ධතියෙන් මෙහෙයවන ට්රැක්ටර් යොදා ගනිමින් මිනිස් ශ්රමයෙන් තොරව නිවැරදිව වගා කටයුතු සිදු කරයි. කෘෂිකාර්මික ඩ්රෝන යානා මඟින් බීජ වැපිරීම සහ පොහොර ඉසීම සිදු කරන අතර, පසෙහි තෙතමනය මනින සංවේදක සහ තථ්ය කාලීන කාලගුණික දත්ත මත පදනම් වූ යන්ත්රෝපකරණ මිලියන 22ක් පමණ එරට පුරා සක්රීයව පවතී.
කෙසේ වෙතත්, ශ්රී ලංකාවේ කෘෂිකර්මාන්තය තවමත් පවතින්නේ අතිශය දුර්වල තාක්ෂණික පසුබිමක වන අතර බහුතරයක් ගොවීන් තවමත් අධික මිනිස් ශ්රමය සහ අහස දෙස බලා තීරණ ගන්නා සාම්ප්රදායික ක්රමවේද මත යැපේ. නවීන යන්ත්ර සූත්ර සඳහා අවශ්ය ප්රාග්ධනය නොමැතිකම සහ ශක්තිමත් රාජ්ය ප්රතිපත්තියක අඩුව මෙරට කෘෂිකර්මාන්තය තාක්ෂණයෙන් ඈත් කිරීමට බලපා ඇත. ගෝලීය ආහාර අර්බුද හමුවේ නැගී සිටීමට නම්, හුදෙක් දිවි ගැටගසා ගන්නා ජීවනෝපායකින් ඔබ්බට ගොස් නවීන දැනුම සහ තාක්ෂණය ගොවියා අතට පත් කරන ලාභදායී කර්මාන්තයක් බවට කෘෂිකර්මාන්තය පරිවර්තනය කිරීම අත්යවශ්ය වේ.
