ශ්රී ලංකා කාන්තා ක්රිකට් කණ්ඩායමේ නායිකා චමරි අතපත්තු, ලෝක ක්රිකට් ක්රීඩකයන්ගේ සංගමයේ (FICA) ක්රීඩක උපදේශක මණ්ඩලයේ සාමාජිකාවක් ලෙස පත් කර තිබේ. ජාත්යන්තර ක්රිකට් කවුන්සිලය (ICC) මඟින් සංවිධානය කරනු ලබන තරඟාවලි, කාලසටහන් සැකසීම සහ වාණිජ කටයුතු වැනි ගෝලීය තීරණ සඳහා උපදෙස් ලබා දීම මෙම මණ්ඩලය වෙත පැවරෙන ප්රධාන වගකීමයි.
ලෝකයේ රටවල් 17ක් නියෝජනය කරන ක්රිකට් ක්රීඩක ක්රීඩිකාවන් 25 දෙනෙකුගෙන් මෙම උපදේශක මණ්ඩලය සමන්විත වේ. චමරි අතපත්තු සමඟ මෙවර අලුතින් මෙම මණ්ඩලයට පත් වූ පිරිස අතර ඇෆ්ගනිස්ථානයේ රෂීඩ් ඛාන්, නවසීලන්තයේ ඩැරල් මිචෙල් සහ මැඩී ග්රීන් මෙන්ම ඉතාලි කණ්ඩායමේ වේන් මැන්ඩසන් ද ඇතුළත් වෙති. මෙම පත්වීම ශ්රී ලංකා ක්රිකට් ක්රීඩාව ජාත්යන්තර තලයේ ලැබූ තවත් සුවිශේෂී ඇගයීමක් ලෙස සැලකේ.
