ඇමෙරිකාව සහ ඉරානය අතර පවතින යුදමය වාතාවරණය දැනටමත් ගෝලීය ආර්ථිකයට දැඩි බලපෑම් එල්ල කර ඇති බව ජාත්යන්තර මූල්ය අරමුදල සිය නවතම වාර්තාව මගින් පෙන්වා දෙයි. යුද්ධය සීමිත කාලයකට පමණක් පවතිනු ඇතැයි උපකල්පනය කළද ගෝලීය ආර්ථික වර්ධනය 2026 වසරේදී සියයට 3.1ක් දක්වාත් 2027 වසරේදී සියයට 3.2ක් දක්වාත් මන්දගාමී වනු ඇතැයි එම ආයතනය පුරෝකථනය කරන අතර සාම සාකච්ඡා අසාර්ථක වී යුද්ධය තවදුරටත් ව්යාප්ත වුවහොත් ලෝක ආර්ථික අවපාතයක් ඇතිවීමේ අවදානමක් පවතින බවට ද අනතුරු අඟවයි.
මෙම යුදමය තත්ත්වය හේතුවෙන් පීඩාවට පත් ආසියානු රටවල ජනතාව වෙනුවෙන් ඩොලර් බිලියන 10ක මූල්ය සහන රාමුවක් සකසන බව ජපාන අග්රාමාත්ය සනේ ටකයිචි ප්රකාශ කර තිබේ. රාජ්ය තාන්ත්රික මැදිහත්වීම් හමුවේ ඩොලර් 100 සීමාව ඉක්මවා තිබූ බොරතෙල් මිල මේ වන විට ඩොලර් 90 සීමාව දක්වා පහත වැටී ඇති අතර අද දිනයේ බ්රෙන්ට් බොරතෙල් බැරලයක් ඩොලර් 95ක් ලෙසත් WTI තෙල් බැරලයක් ඩොලර් 91ක් ලෙසත් සටහන් විය. කෙසේ වෙතත් හෝමුස් සමුද්ර සන්ධියේ පවතින බාධාකාරී තත්ත්වයන් හේතුවෙන් ඉදිරි සති කිහිපය තුළ ඉන්ධන මිල ඉහළ මට්ටමක පවතිනු ඇතැයි ඇමෙරිකානු බලශක්ති ලේකම් ක්රිස් රයිට් අවධාරණය කරන අතර 2026 වසරේදී ලෝක උද්ධමනය සුළු වශයෙන් ඉහළ ගිය ද 2027 වසරේදී එය නැවත පහළ යනු ඇතැයි ජාත්යන්තර මූල්ය අරමුදල විශ්වාසය පළ කරයි.
