ඉරානයට එරෙහිව දියත් කර ඇති ‘Operation Epic Fury’ මෙහෙයුම හරහා ඇමෙරිකානු ගුවන් හමුදාව දැවැන්ත යුද ශක්තියක් ප්රදර්ශනය කරමින් සිටියදී, පෙන්ටගනය අභ්යන්තරයේ දරුණු මතභේදාත්මක තත්ත්වයක් නිර්මාණය වී ඇති බව ‘The Economist’ සඟරාව වාර්තා කරයි. ඉරානයේ යුද සහ න්යෂ්ටික මධ්යස්ථාන ඉලක්ක කරගනිමින් දින 38ක් පුරා ක්රියාත්මක වූ ගුවන් ප්රහාර මාලාව ඉතා සාර්ථක වුවද, ඇමෙරිකානු ආරක්ෂක ලේකම් පීට් හෙග්සෙත් (Pete Hegseth) සහ එරට හමුදා ප්රධානීන් අතර පවතින අභ්යන්තර ගැටුම දෙවැනි යුද පෙරමුණක් බඳු වී තිබේ.
ඉරානය සමඟ යුද්ධය උපරිම තලයක පවතින පසුබිමක, පසුගිය අප්රේල් 02 වැනිදා ආරක්ෂක ලේකම්වරයා විසින් ඇමෙරිකානු හමුදාවේ ජ්යෙෂ්ඨතම නිලධාරියා වන ජෙනරාල් රැන්ඩි ජෝර්ජ් ඇතුළු ඉහළ පෙළේ හමුදා නායකයින් තිදෙනෙකු ධුරවලින් පහ කිරීමට පියවර ගෙන ඇත. මීට පෙර Fox News නාලිකාවේ නිවේදකයෙකු ලෙස කටයුතු කළ හෙග්සෙත්, පෙන්ටගනයේ මාධ්ය සාකච්ඡා අතරතුරදී පවා යුද මෙහෙයුම්වලට වඩා දේශපාලනික සහ සංස්කෘතික කරුණු පිළිබඳව වැඩි අවධානයක් යොමු කරන බවට විවේචන එල්ල වෙමින් පවතී.
ඉරානයේ ආරක්ෂක ව්යුහය බිඳ දමමින් ඇමෙරිකානු ප්රහාරක යානා මෙහෙයුම් වාර 13,000කට වඩා සිදු කර ඇති අතර එමගින් ඇමෙරිකානු හමුදාවේ අතිශය දියුණු යුද සැලසුම් සහ තාක්ෂණික දක්ෂතාවය ලොවටම ප්රදර්ශනය වී තිබේ. එහෙත් ආරක්ෂක ලේකම්වරයාගේ ක්රියාකලාපය සහ හමුදා ප්රධානීන් අතර පවතින මෙම සීතල යුද්ධය, ඉදිරි මෙහෙයුම් කෙරෙහි කෙලෙස බලපානු ඇත්දැයි ආරක්ෂක විචාරකයින් ප්රශ්න කර සිටිති.
