කොළඹ සිට මොණරාගල දක්වා මගීන් ප්රවාහනය කරමින් සිටි පෞද්ගලික බස් රථයක තිබී නීතිවිරෝධී ලෙස ප්රවාහනය කළ භූමිතෙල් ලීටර් 100ක් වැල්ලවාය පොලිසිය විසින් අද (20) සොයාගෙන තිබේ.
බස් රථයක භූමිතෙල් ප්රවාහනය කරන බවට වැල්ලවාය පොලිස් ස්ථානයට ලද තොරතුරක් මත මෙම වැටලීම සිදුකර ඇත. එහිදී බස් රථය පරීක්ෂාවට ලක් කිරීමේදී මෙම භූමිතෙල් තොගය හමු වී ඇති අතර සිද්ධිය සම්බන්ධයෙන් බස් රථයේ කොන්දොස්තරවරයා පොලිස් අත්අඩංගුවට ගෙන තිබේ. සැකකාර කොන්දොස්තරවරයා වැල්ලවාය මහේස්ත්රාත් අධිකරණයට ඉදිරිපත් කිරීමට නියමිත අතර වැල්ලවාය පොලිසිය වැඩිදුර විමර්ශන සිදු කරයි.
