චීන ජනාධිපති ෂී ජින් පිං සහ අමෙරිකානු ජනාධිපති ඩොනල්ඩ් ට්රම්ප් අතර ඉතා වැදගත් නිල සාකච්ඡාවක් අද (14) පෙරවරුවේ බෙයිජිංහි මහජන මහා ශාලාවේදී ආරම්භ විය. මෙහිදී අදහස් දක්වමින් චීන ජනාධිපතිවරයා අවධාරණය කළේ 2026 වසර දෙරටේ සබඳතාවන්හි ඓතිහාසික හා සන්ධිස්ථානීය වසරක් වනු ඇති බවයි. වත්මන් ලෝකය මුහුණ දෙන පෙර නොවූ විරූ අභියෝග සහ ජාත්යන්තර ගැටුම්කාරී වාතාවරණය හමුවේ, චීනය සහ අමෙරිකාව සතුරන් ලෙස නොව හවුල්කරුවන් ලෙස කටයුතු කළ යුතු බව හෙතෙම පෙන්වා දුන්නේය.
දෙරට අතර සබඳතාවල නව ආකෘතියක් නිර්මාණය කරමින් ‘Thucydides’ උගුලට හසු නොවී ගෝලීය අභියෝගවලට එක්ව මුහුණ දිය යුතු බව ෂී ජින් පිං මහතා මෙහිදී වැඩිදුරටත් ප්රකාශ කර තිබේ. ජනාධිපති ට්රම්ප් සමඟ වැදගත් කරුණු රැසක් පිළිබඳව අදහස් හුවමාරු කර ගනිමින් චීන-අමෙරිකා සබඳතාව නිවැරදි මාවතකට යොමු කිරීම සිය බලාපොරොත්තුව බවද ඔහු සඳහන් කළේය. ලෝකයට වඩාත් නිශ්චිතභාවයක් සහ සුන්දර අනාගතයක් උදාකර දීම සඳහා ප්රධාන රටවල නායකයන් ලෙස වගකීම් සහගතව පිළිතුරු ලබා දිය යුතු බව චීන ජනාධිපතිවරයා මෙහිදී අවධාරණය කළ බව චීන මාධ්ය වාර්තා කරයි.
