රාජ්ය සේවයේ සුරක්ෂිතභාවය, වෘත්තීය අභිමානය මෙන්ම නිදහස් හා ස්වාධීන රාජ්ය සේවා සංස්කෘතියක් රට තුළ තහවුරු කිරීම වෙනුවෙන් තම සංගමය නිරන්තරයෙන් පෙනී සිටින බව ශ්රී ලංකා පරිපාලන සේවා සංගමය (SLAAS) නිල නිවේදනයක් නිකුත් කරමින් පවසයි. රාජ්ය නිලධාරීන්ගේ වෘත්තීය අයිතිවාසිකම් සුරැකීම වෙනුවෙන් ගනු ලබන සෑම නීත්යානුකූල ක්රියාමාර්ගයකදීම සමස්ත සංගමයේ අඛණ්ඩ සහාය හිමිවන බව ද එම සංගමය අවධාරණය කරයි.
පරිපාලන සේවා සංගමය මේ බව ප්රකාශ කර සිටියේ පසුගිය 2007 වසරේදී ආරච්චිකට්ටුව ප්රාදේශීය ලේකම්වරයාගේ නිල රාජකාරීවලට බාධා කිරීම සහ තර්ජනය කිරීම ඇතුළු චෝදනාවලට වැරදිකරු වූ පළාත් පාලන දේශපාලන අධිකාරීත්වයක ක්රියාකාරිකයෙකුට හලාවත මහාධිකරණය මඟින් වසර පහයි මාස හමාරක (05යි මාස 06ක) බරපතළ සිරදඬුවමක් සහ වින්දිත නිලධාරියාට රුපියල් ලක්ෂ 10ක වන්දි මුදලක් ගෙවීමට නියම කරමින් ලබාදුන් සුවිශේෂී නඩු තීන්දුව පිළිබඳව අදහස් දක්වමිනි. චූදිත පාර්ශ්වයේ දේශපාලන පසුබිම හෝ තරාතිරම කුමක් වුවත්, රටේ නීතිය සැමට සමානව ක්රියාත්මක වන බව සනාථ කරමින් අධිකරණය ලබාදුන් මෙම තීන්දුව මෙරට අධිකරණ පද්ධතියේ ස්වාධීනත්වය සහ අපක්ෂපාතීත්වය නැවත වරක් ප්රමුඛව සනිටුහන් කරන්නක් බව සංගමය පෙන්වා දෙයි. මෙමඟින් අයුතු දේශපාලන බලපෑම්වලින් තොරව රාජ්ය නිලධාරීන්ට තම රාජකාරීන් නිර්භයව ඉටු කිරීමට ඇති අයිතිය තහවුරු වන බවත්, රාජ්ය සේවයේ ගරුත්වය කෙළෙසමින් නිලධාරීන් අනීතික ලෙස පාලනය කිරීමට උත්සාහ කරන සියලු පාර්ශ්ව වෙත අධිකරණය දුන් මෙම පණිවුඩය ප්රජාතන්ත්රවාදී රාජ්ය පාලනයකට අත්යවශ්ය වන බවත් පරිපාලන සේවා සංගමය වැඩිදුරටත් සඳහන් කරයි.
