ඉන්දියාවේ කේරළ ප්රාන්තයේ බලයට පත් නව රජය විසින් ජුනි 15 වැනිදා සිට ක්රියාත්මක කිරීමට නියමිත රාජ්ය අංශයේ බස් රථවල කාන්තාවන්ට නොමිලේ ගමන් කිරීමට ලබා දෙන අවස්ථාව පිළිබඳව දැඩි විවාදයක් මතුව තිබේ. මහ ඇමති වී.ඩී. සතීසන්ගේ නායකත්වයෙන් යුතු නව එක්සත් ප්රජාතන්ත්රවාදී පෙරමුණ (UDF) රජය සිය මැතිවරණ පොරොන්දු ඉටුකිරීමේ කොටසක් ලෙස මෙම තීරණය ගෙන ඇති අතර, ඒ සමඟම තවත් සුබසාධන සහන හතරක් ද ප්රකාශයට පත් කර ඇත.දැනටමත් ණය බරින් මිරිකී සිටින කේරළ ප්රාන්ත ගමනාගමන සංස්ථාවට (KSRTC) මෙම සහනය හරහා දෛනික ආදායමෙන් අඩක් පමණ අහිමි වීමේ අවදානමක් පවතී. දිනකට රුපියල් මිලියන 75.3ක ආදායමක් ලබන මෙම ආයතනය, කාන්තාවන්ගෙන් ලැබෙන ආදායම අහිමි වීම නිසා දැවැන්ත අර්බුදයකට මුහුණ දෙනු ඇතැයි විශ්ලේෂකයෝ පෙන්වා දෙති.KSRTC සතුව පවතින බස් රථ 4,000න් බහුතරයක් වසර 15කට වඩා පැරණි වන අතර, විශාල සේවක පිරිසකට සහ විශ්රාමිකයන්ට වැටුප්/විශ්රාම වැටුප් ගෙවීමට සිදුවීම නිසා ආයතනයේ මෙහෙයුම් වියදම ඉහළ මට්ටමක පවතී.ප්රාන්තයේ ප්රබලව ක්රියාත්මක වන පෞද්ගලික බස් කර්මාන්තය (බස් රථ 7,000ක්) මෙම තීරණය නිසා මුළුමනින්ම කඩා වැටීමේ අවදානමක් පවතින බව බස් රථ හිමියන් බිය පළ කරති.
පසුගිය දස වසර තුළ වාමාංශික රජය විසින් KSRTC නඟාසිටුවීමට රුපියල් බිලියන 140ක් ආයෝජනය කළ ද, ඉන් සාර්ථක ප්රතිඵල ලැබී නොමැති වීම මෙම ව්යාපෘතියේ තිරසාරභාවය පිළිබඳ ප්රශ්නාර්ථයක් මතු කරයි.
නව රජය මෙම ‘ඉන්දිරා පොරොන්දු’ මාලාව තුළින් කාන්තාවන් සඳහා දීමනා පිරිනැමීම, සමාජ සුබසාධන විශ්රාම වැටුප් වැඩි කිරීම සහ තරුණ ව්යවසායකයින් සඳහා පොලී රහිත ණය යෝජනා ක්රම හඳුන්වා දීමට ද අපේක්ෂා කරයි.
