ශ්රී ලංකාව සහ නවසීලන්තය අතර පවතින ක්රිකට් ක්රීඩා සබඳතාවයේ 100 වැනි සංවත්සරය සැමරීම පිළිබඳව සාකච්ඡා ආරම්භ කර ඇත.
ශ්රී ලංකා විදේශ කටයුතු අමාත්ය විජිත හේරත් මහතා සහ නවසීලන්ත ක්රිකට් ආයතනයේ නියෝජ්ය සභාපති කෙවින් මැලෝයි (Kevin Malloy) මහතා අතර පසුගිය සිකුරාදා පැවති හමුවකදී මෙම සාකච්ඡා සිදු වී තිබේ.
මෙම හමුවේදී දෙරට අතර ක්රිකට් ක්රීඩාවේ සංවර්ධනය සඳහා සහයෝගීතාවය ඉහළ නැංවීමටත්, ක්රීඩකයන් සඳහා පුහුණු අවස්ථා සහ නිලධාරීන් සඳහා ධාරිතා ගොඩනැගීමේ වැඩසටහන් ක්රියාත්මක කිරීමටත් අවධානය යොමු කර ඇත. මීට අමතරව, ශ්රී ලංකාවේ ක්රිකට් ඇකඩමියක් ස්ථාපිත කිරීමේ හැකියාව පිළිබඳවද දෙපාර්ශවය සාකච්ඡා කර තිබේ.
මෙම සියවස් සැමරුම ක්රීඩා ක්ෂේත්රයේ නව සහයෝගීතා මාර්ග විවර කරගැනීමට මෙන්ම දෙරට අතර පවතින ශක්තිමත් ක්රීඩා සබඳතාව තවදුරටත් වර්ධනය කර ගැනීමටත් ඉවහල් වනු ඇති බව අමාත්යවරයා වැඩිදුරටත් සඳහන් කළේය.
