ඔස්ට්රියාවේ ශ්රී ලංකා තානාපතිනි සහ නිත්ය නියෝජිත දයානි මෙන්ඩිස් මහත්මිය, විස්තීර්ණ න්යෂ්ටික පරීක්ෂණ තහනම් කිරීමේ ගිවිසුම් සංවිධානයේ (CTBTO) විධායක ලේකම් රොබට් ෆ්ලොයිඩ් මහතා වෙත සිය අක්තපත්ර නිල වශයෙන් පිළිගන්වා ඇතැයි විදේශ කටයුතු අමාත්යාංශය පවසයි.
CTBTO හි 30 වැනි සංවත්සරය සහ ශ්රී ලංකාව එම ගිවිසුමට අත්සන් තැබීම සිහිපත් කරමින්, න්යෂ්ටික අවි ව්යාප්තිය වැළැක්වීම සඳහා ශ්රී ලංකාව සතු දැඩි කැපවීම තානාපතිනිය මෙහිදී යළි තහවුරු කර තිබේ. ගෝලීය න්යෂ්ටික අවි පාලනය ප්රවර්ධනය කිරීමෙහිලා ශ්රී ලංකාව ඉටුකර ඇති ඓතිහාසික කාර්යභාරය අගය කර ඇති විධායක ලේකම්වරයා, ක්ෂේත්ර පරීක්ෂණ කටයුතු සඳහා ශ්රී ලාංකේය නියෝජිත පරීක්ෂකවරුන් පුහුණුව ලබා තිබීම ද විශේෂයෙන් සඳහන් කර ඇත.
