පාසල් දරුවන් අනතුරු නොදමා විධිමත් සැලසුමක් ඇතිව නිරෝධායන නීති නිවැරදිව ක්‍රියාත්මක කරමින් පාසල් විවෘත කරන්න ලෙස ජාතික වෘත්ති සමිති පෙරමුණේ සභාපති සමන් රත්නප්‍රිය මහතා පවසයි.
TTVnews.lk වෙබ් අඩවිය වෙත අදහස් දක්වමින් ඒ මහතා කියා සිටියේ පාසල් වීවෘත කිරීමේදී සෞඛ්‍ය ආරක්ෂාව පිළිබඳ සැලකිලිමත් විය යුතු බවයි.
පාසල් දරුවන් මුව ආවරණය පැලද සිටිමත් පන්ති කාමරව වල සිටිමේදී සමාජ දුරස්ථභාවය ගැන සැලකිය යුතු බව ද හෙතෙම කියා සිටියේය.
එසේම පාසලේ සියළුම ශිෂ්‍යයින් ගෙන්වා නොගෙන තුනෙන් එකක පිරිසක් ගෙන්වා අධ්‍යාපන කටයුතු සිදු කල යුතු බව ද රත්නප්‍රිය මහතා අවධාරණය කලේය. කෙසේ වෙතත් පොදු ප්‍රවාහනය තුලදීද පාසල් දරුවන් සම්බන්දයෙන් විශේෂ සැලකිල්ලක් දැක්වීය යුතු බව ඔහු පවසා සිටියේ.
පාසල් අධ්‍යාපනය මේ වන විට ක්‍රියාත්මක වන අන්තර්ජාල හරහා මෙන්ම රූපවාහිනි නාලිකා වලින් පවතින තත්ත්වයට වඩා වැඩී කාලයක් ගෙන අධ්‍යාපන කටයුතු සිදු කිරීමට කටයුත කල යුතු බව සමන් රත්නප්‍රිය මහතා වැඩිදුරටත් කියා සිටියේය.
