රජය විසින් online booking සඳහා පනවා ඇති බදු පනත හේතුවෙන් සංචාරක කර්මාන්තයට විශාල ප්‍රශ්නයක් උද්ගත වන බව සමස්ත ලංකා සංචාරක හෝටල් හිමියන්ගේ සංගමය විසින් පවසා සිටියි.
එහි උප සභාපති ප්‍රියන්ත තිලකරත්න මහතා රජයෙන් ඉල්ලා සිටින්නේ මේ පිලිබද යළිත් සලකා බලන ලෙසයි.
මෙහි දී වැඩිදුරටත් පැවසූ එම සංගමයේ උප සභාපති
මේ දිනවල 18% බදු ප්‍රතිපත්තියක් ගැන කතිකාවතක් ගොනු කරලා තියෙනවා. මේක රජය බිස්නස් එකකින් ලැබෙන ආදායම අඩු නිසා රජය ගත්ත පියවරක් වෙන්න පුලුවන්. මේක මේ වෙලාවෙ පටන් ගත්ත තැන යම්කිසි අඩුපාඩුවක් තියෙනවා කියල මට හිතෙනවා. 18%ක් වැනි අධික බද්ධක් පැනවීම කිසිම සොයාබැලීමකින් තොරව ගත් පියවරක්. සංචාරකයන් මෙරටට පැමිණෙන්නේ online booking හරහා. මේ වන විට සංචාරක හෝටල්කරුවන් ට 20% වැනි කොමිස් එකක් online booking හරහා ලැබෙනවා. රජය online booking වලින් 18%කබද්දක් අය කරාම online system එක හරහා මේ රටට එන කොමිස් මුදල විදේශිකයන් ගේ online booking වලිිින් වැඩි කිරීමක් කරන්න සිද්ධ වෙනවා. නැත්තම් ඒ අයට පැවැත්මක් නැති වෙනවා. මේ බදු නිසා රටේ සංචාරක ව්‍යාපාරයේ යෙදිල ඉන්න ව්‍යවසායකයාට විශාල ප්‍රශ්නයකට මුහුණ දෙන්න වෙනවා. මේ ව්‍යවසායකයන්ට TDL ගෙවන්න වෙනවා, රජයට බදු ගෙවන්න වෙනවා, ප්‍රාදේශිය නගර සභාවලට ගෙවන්න වෙනවා. වරිපනම් ගෙවනවා. මේ බදු සේරම එකතු වුණාම 35%ක පමණ බද්දකට යටත් වෙන්න වෙනවා. කොරෝනා වසන්ගතයත් එක්ක පාස්කු ප්‍රහාරයත් එක්ක අමාරුවෙන් ඔලුව උස්සගෙන එන සංචාරක ව්‍යාපාරයට මෙවැනි බද්දක් ගැසීම තුළින් අනිවාර්යෙන්ම සංචාරක ව්‍යාපාරයට ප්‍රහාරයක් එල්ල වෙනවා. මේ හේතුන් නිසා හෝටල් ගාස්තු වැඩි වෙනවා. ඊට පස්සේ ලෝකයට යනවා ශ්‍රී ලංකාවේ සංචාරය සදහා වැඩි මිලක් යන බව. ඊට පස්සේ ඔවුන්ට සංචාරය කරන්න බැරි තත්වයක් උදා වෙනවා. දෙස් විදෙස් කවුරු උනත් බලාපොරොත්තු වන්නේ අතේ තියෙන මුදලට සංචාරය කරන්න. මේ වෙලාවේ ආණ්ඩුව කරන වැඩේ නිසා සංචාරක ව්‍යාපාරයට විශාල ප්‍රශ්නයක් උද්ගත වෙන්න පුලුවන්. සංචාරක ප්‍රමාණය අඩු වෙන්නත් පුලුවන්.
