“දිට්වා” සුළි කුණාටුවෙන් සිදු වූ දැඩි හානි හේතුවෙන් තාවකාලිකව අත්හිටුවා තිබූ පුත්තලම දුම්රිය මාර්ගයේ ධාවන කටයුතු අද (16) සිට පුත්තලම දුම්රිය ස්ථානය දක්වාම සාමාන්ය පරිදි සිදු කරන බව දුම්රිය දෙපාර්තමේන්තුව නිවේදනය කරයි. ඒ අනුව කොළඹ කොටුවේ සිට පුත්තලම දක්වා වූ සම්පූර්ණ මාර්ගයම මගී ප්රවාහනය සඳහා අද සිට විවෘත වේ.
මීට පෙර සුළි කුණාටුවත් සමඟ ඇති වූ ජල ගැලීම් සහ නායයෑම් හේතුවෙන් මෙම මාර්ගයට බරපතල හානි සිදු විය. විශේෂයෙන්ම බත්තුළුඔය පාලම අසලින් මාර්ගය සෝදා යාම, තිල්ලඩිය ප්රදේශයේදී පස් කඳු කඩා වැටීම සහ මානුවන්ගම ප්රදේශයේ ස්ථාන කිහිපයකින් දැදුරු ඔයට මාර්ගය යටින් පස් සෝදා යාම නිසා දුම්රිය ධාවනය හලාවතට පමණක් සීමා වී තිබුණි. මාස කිහිපයක් පුරා අදියර කිහිපයක් යටතේ සිදුකළ ප්රතිසංස්කරණ කටයුතු අවසන් වීමත් සමඟ මෙලෙස සම්පූර්ණ ධාවන කටයුතු යළි ආරම්භ කිරීමට හැකි වී තිබේ.
අද (16) සිට ක්රියාත්මක වන පරිදි කොළඹ කොටුව සහ පුත්තලම අතර මගී දුම්රිය කිහිපයක්ම නියමිත කාලසටහනට අනුව ධාවනය කිරීමට කටයුතු යොදා ඇති අතර, මෙය පුත්තලම සහ හලාවත ප්රදේශවල ජනතාවට මහත් සහනයක් වනු ඇත. දුම්රිය දෙපාර්තමේන්තුව සඳහන් කරන්නේ මාර්ගයේ ආරක්ෂිත භාවය තහවුරු කිරීමෙන් අනතුරුව මෙම තීරණය ගත් බවයි.
