අනුරාධපුර දිස්ත්රික්කයේ තක්කාලි වගා කළ ගොවීන් මේ වන විට තම අස්වනු අලෙවි කර ගැනීමට නොහැකිව දැඩි අසීරුතාවයකට පත්ව සිටිති. මීට සති කිහිපයකට පෙර රුපියල් 600-700 වැනි ඉහළ අගයක පැවති තක්කාලි කිලෝවක මිල, මේ වන විට රුපියල් 70 දක්වා ශීඝ්රයෙන් පහත වැටීම මීට හේතුවයි.
ගොවීන් පවසන්නේ වගාව සඳහා යෙදවූ පිරිවැය පවා පියවා ගැනීමට මෙම මිල ප්රමාණවත් නොවන බවයි. පවතින තත්ත්වය මත අස්වනු නෙළීම සඳහා වැයවන කම්කරු කුලිය පවා සොයාගත නොහැකි බැවින්, බොහෝ ගොවීන් අස්වනු නෙළීම අතහැර දමා වගාබිම්වලම විනාශ වීමට ඉඩ හැර තිබේ.
පසුගිය කාලයේ පැවති “දිට්වා” සුළි කුණාටුවෙන් පසු හානි වූ වගාවන් වෙනුවට ගොවීන් විශාල වශයෙන් තක්කාලි වගා කිරීම නිසා වෙළඳපොළට එකවර විශාල අස්වැන්නක් පැමිණීම (Seasonal Glut) මෙම මිල පහත වැටීමට ප්රධාන හේතුව වී ඇත. යාපනය, හඟුරන්කෙත සහ මාතලේ වැනි ප්රදේශවලින් ද මේ දිනවල අලුත් අස්වනු වෙළඳපොළට පැමිණෙමින් පවතී.
ගොවීන් පෙන්වා දෙන්නේ රජය මැදිහත් වී අවම සහතික මිලක් ලබා දීම හෝ අතිරික්ත අස්වනු ගබඩා කිරීමට හෝ සකස් කිරීමට (Processing) ක්රමවේදයක් සකස් කර දිය යුතු බවයි.
