අරණායක රෝහලේ සේවය කළ 35 හැවිරිදි එක්දරු හෙදියක වන රුවිනි මධුෂිකා නමැති අය ඇගේ අනියම් සැමියා විසින් එල්ල කරන ලද පිහි පහරකින් ඝාතනය කර තිබේ. සිය විවාහක සැමියාගෙන් වෙන්ව දරුවා සමඟ කුලී නිවසක පදිංචිව සිටි මෙම හෙදිය, ඊයේ (01) සේවය නිමවා නිවසට පැමිණි අවස්ථාවේ එහි රැඳී සිටි අනියම් පෙම්වතා දැක බියෙන් අසල්වැසි නිවසකට දිව ගොස් ඇතත්, සැකකරු ඇය පසුපස හඹා ගොස් පපුව ප්රදේශයට පිහියෙන් ඇන පලාගොස් ඇති බව මූලික විමර්ශනවලදී හෙළි විය. අරණායක පොලිසිය විසින් ඝාතනයට යොදාගත් පිහිය ද සමඟ අත්අඩංගුවට ගත් 33 හැවිරිදි සැකකරු අද (02) මාවනැල්ල මහේස්ත්රාත් අධිකරණයට ඉදිරිපත් කිරීමෙන් පසු ලබන 12 වැනිදා දක්වා රක්ෂිත බන්ධනාගාර ගත කිරීමට නියෝග කෙරුණි.
