මැදපෙරදිග කලාපයේ පවතින දරුණු යුද වාතාවරණය හේතුවෙන් පීඩාවට පත්වන දරුවන්ගේ අයිතිවාසිකම් සහ ඔවුන්ට අහිමි වන සාමකාමී ලෝකය පිළිබඳව ජාත්යන්තර අවධානය යොමු කිරීම සඳහා ජාතික නිදහස් පෙරමුණේ නායක විමල් වීරවංශ මහතා අමුතුම ආකාරයේ ඉල්ලීමක් සිදු කර තිබේ. යුද්ධයට එරෙහිව සංවිධානය කරනු ලබන මහා පරිමාණ විරෝධතාවයකදී සංකේතාත්මකව ප්රදර්ශනය කිරීම සඳහා තමන් සතු ‘ටෙඩි බෙයාර්’ (Teddy Bear) සෙල්ලම් වලසුන් පරිත්යාග කරන ලෙස ඔහු අද (13) නිවේදනයක් නිකුත් කරමින් මහජනතාවගෙන් ඉල්ලා සිටියේය.
ඕනෑම ප්රමාණයක සෙල්ලම් වලසුන් එළඹෙන මාර්තු මස 17 වනදාට පෙර බත්තරමුල්ල, රොබට් ගුණවර්ධන මාවතේ, අංක 428/1 දරන ස්ථානයේ පිහිටි ජාතික නිදහස් පෙරමුණේ මූලස්ථානය වෙත ලබා දෙන ලෙස හිටපු අමාත්යවරයා වැඩිදුරටත් ඉල්ලා සිටියි. මෙලෙස එකතු කරගනු ලබන සෙල්ලම් වලසුන් ඉදිරියේදී පවත්වනු ලබන යුද විරෝධී ප්රදර්ශනයක් සහ විරෝධතාවක් සඳහා යොදා ගැනීමට නියමිත අතර, එමගින් යුද්ධයෙන් පීඩා විඳින ලොව පුරා දරුවන්ගේ නිහඬ හඬ ලෝකයට ප්රකාශ කිරීම තම පක්ෂයේ අරමුණ බව ද ඔහු පෙන්වා දෙයි. මෙම වැඩසටහන පිළිබඳව වැඩිදුර තොරතුරු දැන ගැනීම සඳහා ජාතික නිදහස් පෙරමුණ විසින් දුරකථන අංක කිහිපයක් ද ප්රසිද්ධ කර තිබේ.
