විපක්ෂයේ සිටියදී භාණ්ඩ මිල අඩු කිරීම සම්බන්ධයෙන් විවිධ අදහස් ඉදිරිපත් කළද, වර්තමානයේ ආණ්ඩුකරණයේ යෙදී සිටින විට ලෝක මට්ටමින් සිදුවන දේශපාලනික සහ ආර්ථික ක්රියාවලීන් පාලනය කිරීමේ හැකියාවක් රජයට නොමැති බව ජාතික ජන බලවේගයේ ප්රධාන ලේකම්, පාර්ලිමේන්තු මන්ත්රී නිහාල් අබේසිංහ මහතා පවසයි. පවතින ගෝලීය අර්බුදය හමුවේ ඉන්ධන මිල යම් ප්රමාණයකින් ඉහළ නැංවීමට රජයට තීරණය කිරීමට සිදු වූයේ එබැවින් බවත්, එවැනි පියවරක් නොගතහොත් ඉදිරියේදී රටේ අත්යවශ්ය භාණ්ඩ හා සේවා සැපයුම අඛණ්ඩව පවත්වාගෙන යාමට නොහැකි වීමේ දැඩි අවදානමක් පවතින බවත් ඔහු පෙන්වා දෙයි.
මේ වන විට මැදපෙරදිග කලාපයේ පවතින යුදමය වාතාවරණය සහ සැපයුම් දාමයන්හි බිඳවැටීම් හමුවේ රජය මුහුණ දී ඇති අසීරු තත්ත්වය තේරුම් ගන්නා ලෙස මන්ත්රීවරයා මහජනතාවගෙන් ඉල්ලා සිටියි. ඒ අනුව, හැකි සෑම අවස්ථාවකදීම භාණ්ඩ හා සේවා භාවිතය සීමා කර ගනිමින් මෙම අර්බුදකාරී අවස්ථාවේදී රජය වෙත අවශ්ය සහයෝගය ලබා දෙන ලෙස ඔහු වැඩිදුරටත් සඳහන් කළේය. වැඩසටහනකට සහභාගී වීමෙන් අනතුරුව මාධ්ය වෙත අදහස් දක්වමින් නිහාල් අබේසිංහ මහතා මෙම කරුණු අවධාරණය කර සිටියේය.
