ඇමරිකාවේ මිචිගන් ප්රාන්තයේ වෙස්ට් බ්ලූම්ෆීල්ඩ් (West Bloomfield) හි පිහිටි ‘ටෙම්පල් ඊශ්රායල’ (Temple Israel) යුදෙව් දේවස්ථානයට එල්ල වූ ප්රහාරයේ සැකකරු සහ හෙස්බොල්ලා සංවිධානය අතර ජාත්යන්තර සබඳතාවක් පවතින්නේද යන්න පිළිබඳව එෆ්.බී.අයි. (FBI) ආයතනය පුළුල් විමර්ශනයක් ආරම්භ කර තිබේ. සැකකරු 41 හැවිරිදි ලෙබනනයේ උපන් ඇමරිකානු පුරවැසියෙකු වන අයිමන් මොහොමඩ් ගසාලි (Ayman Mohamad Ghazali) ලෙස හඳුනාගෙන ඇති අතර, ඔහු පසුගිය මාර්තු 12 වනදා සිය රථය මෙම දේවස්ථාන සංකීර්ණය තුළට වේගයෙන් ධාවනය කරවා ප්රහාරයක් එල්ල කර ඇත.
ඇමරිකානු බුද්ධි අංශ දත්ත වාර්තාවලට අනුව මොහු හෙස්බොල්ලා සංවිධානයේ සාමාජිකයින් ලෙස සැක කෙරෙන පිරිස් සමඟ සබඳතා පවත්වා ඇති බවට තොරතුරු අනාවරණය වී ඇතත්, ඔහු එම සංවිධානයේ සෘජු සාමාජිකයෙකු බවට මෙතෙක් තහවුරු වී නොමැත. ඊශ්රායල ගුවන් ප්රහාරයකින් ඔහුගේ සහෝදරයන් සහ දරුවන් මියයෑම මෙම ප්රහාරය එල්ල කිරීමට බලපෑ පෞද්ගලික හේතුවක් විය හැකි බවට ද විමර්ශකයෝ සැක පළ කරති. මැදපෙරදිග පවතින යුදමය වාතාවරණය හමුවේ ඇමරිකාව තුළ මෙවැනි ප්රහාර එල්ල වීමේ අවදානමක් පවතින බැවින් එරට ආරක්ෂක අංශ දැඩි අවධානයෙන් පසුවන බව විදෙස් මාධ්ය වාර්තා කරයි.
