ලොව අංක එකේ ටෙනිස් ක්රීඩිකා අරීනා සබලෙන්කා (Aryna Sabalenka), ලින්ඩා නොස්කෝවා (Linda Noskova) 6-3, 6-4 ක් ලෙස පරාජය කරමින් ඉන්දියන් වේල්ස් ටෙනිස් තරගාවලියේ අවසන් මහා තරගයට සුදුසුකම් ලබා ගත්තාය. මෙය වසර හතරක් ඇතුළත ඇය ඉන්දියන් වේල්ස් අවසන් මහා තරගයකට පිවිසි තෙවන අවස්ථාව වන අතර, 1989 වසරෙන් පසුව පිට පිට වසර දෙකකදී ලොව අංක එකේ ක්රීඩිකාව ලෙස අවසන් මහා තරගයකට පිවිසි ප්රථම ක්රීඩිකාව ලෙස ද ඇය ඉතිහාසගත විය.
පැයකට අධික කාලයක් පැවති මෙම අවසන් පූර්ව තරගයේදී 21 හැවිරිදි චෙක් ක්රීඩිකාවගෙන් එල්ල වූ අභියෝග හමුවේ සබලෙන්කා ඉතා දක්ෂ ලෙස ක්රීඩා කළාය. මීට පෙර පැවති අවසන් මහා තරග දෙකේදීම පරාජයට පත්ව ඇති ඇය, මෙවර ඉරිදා පැවැත්වෙන අවසන් මහා තරගයේදී සිය උපරිම දක්ෂතා දක්වමින් ශූරතාව දිනා ගැනීමට සූදානම් බව තරගයෙන් අනතුරුව ප්රකාශ කළාය. මෙනිකා සෙලෙස් සහ ස්ටෙෆි ග්රාෆ් වැනි ප්රවීණ ක්රීඩිකාවන් හා සම වෙමින් ‘Sunshine Double’ (ඉන්දියන් වේල්ස් සහ මියාමි) තරගාවලි වල අඛණ්ඩව අවසන් මහා තරග කරා පිවිසීමට ද සබලෙන්කා සමත් වී තිබේ.
