මැදපෙරදිග කලාපයේ පවතින උග්ර යුදමය වාතාවරණය හමුවේ ශ්රී ලංකාවේ තැඹිලි අපනයන කටයුතු සම්පූර්ණයෙන්ම නතර වී ඇති බව අපනයනකරුවෝ පවසති. සතියකට තැඹිලි ගෙඩි 320,000ක් පමණ ඩුබායි වෙළෙඳ මධ්යස්ථානය හරහා සෞදි අරාබිය සහ ඕමානය ඇතුළු රටවලට මෙතෙක් අපනයනය කෙරුණු අතර නැව් ගමනාගමනය අඩාළ වීම මෙම තත්ත්වයට ප්රධාන හේතුව වී තිබේ. මේ හේතුවෙන් තැඹිලි සැපයුම්කරුවන් ඇතුළු ක්ෂේත්රයේ යෙදී සිටින විශාල පිරිසකට සිය ආදායම් මාර්ග අහිමි වීමේ අවදානමක් මතුව ඇත.
අපනයනය නතර වීමත් සමඟ මෙතෙක් විදෙස් රටවලට යැවූ උසස් ප්රමිතියේ තැඹිලි විශාල වශයෙන් දේශීය වෙළෙඳපොළට ලැබීමට පටන් ගෙන ඇති බව වාර්තා වේ. මේ වන විට මෙරට වෙළෙඳපොළේ කුඩා ප්රමාණයේ තැඹිලි ගෙඩියක් රුපියල් 180ත් 200ත් අතර මිලකට අලෙවි වන අතර විශාල ප්රමාණයේ තැඹිලි ගෙඩියක් රුපියල් 250ක් වැනි මිලකට අලෙවි කෙරේ. විදේශ විනිමය උපයන ප්රධාන මාර්ගයක් මෙලෙස ඇහිරී යාම නිසා අපනයනකරුවන් පත්ව ඇත්තේ දැඩි අසීරුතාවයකටය.
