බොරැල්ල පොදු සුසාන භූමියේ ආදාහනාගාර ක්රියා කරවීමට අවශ්ය ගෑස් හිඟයක් පවතින බවට පැතිර යන වාර්තා හේතුවෙන් පසුගිය 12 වනදා දේහයන් කිහිපයක් ජාවත්ත සුසාන භූමිය වෙත යොමු කිරීමට පියවර ගෙන තිබේ. බොරැල්ල සුසාන භූමියේ සේවකයෙකු සඳහන් කර සිටියේ ආදාහනාගාර ක්රියා කරවීමට අවශ්ය ඉන්ධන හෙවත් ගෑස් හිඟවීම හේතුවෙන් මෙලෙස දේහයන් භාර ගැනීම ප්රතික්ෂේප කර වෙනත් ස්ථාන කරා යොමු කළ බවයි.
කෙසේ වෙතත් මේ සම්බන්ධයෙන් කොළඹ නගර සභාවේ වෛද්ය දෙපාර්තමේන්තුවෙන් කළ විමසීමකදී එහි උසස් නිලධාරියෙකු ප්රකාශ කළේ ගෑස් හිඟයක් පිළිබඳ පුවත සම්පූර්ණයෙන්ම අසත්ය බවයි. දේහයන් ජාවත්තට යොමු කළේ වේලාවන් වෙන් කිරීමේදී ඇති වූ ප්රායෝගික ගැටලුවක් මත මිස ඉන්ධන නොමැති වීම නිසා නොවන බව ඔහු අවධාරණය කළේය. එමෙන්ම බොරැල්ල සුසාන භූමිය සඳහා විශේෂිත ටැංකි හරහා අඛණ්ඩව ගෑස් සැපයුම ලැබෙන බැවින් ආදාහන කටයුතු සඳහා ඉන්ධන හිඟයක් ඇති විය නොහැකි බව ද එම නිලධාරියා වැඩිදුරටත් පැහැදිලි කර සිටියි.
