පිලිපීනය සිය බලශක්ති ක්ෂේත්රයේ දැවැන්ත පරිවර්තනයක් සඳහා ඇමරිකානු ඩොලර් බිලියන පහක ආයෝජනයක් සහිතව නව ‘පම්ප්ඩ් ස්ටෝරේජ්’ (Pumped-storage) ජල විදුලි ව්යාපෘති දෙකක් වේගවත් කිරීමට පියවර ගෙන තිබේ. පසුගිය සිකුරාදා (මාර්තු 13) වන විට මෙම නිවුන් ව්යාපෘති සඳහා අවශ්ය ප්රතිපාදන සලසාගෙන ඇති අතර, එමඟින් එරට බලශක්ති සුරක්ෂිතතාව තහවුරු කිරීමටත්, පුනර්ජනනීය බලශක්ති පද්ධතිය ස්ථාවර කිරීමටත් අපේක්ෂිතය.
වේගයෙන් වර්ධනය වන පිලිපීන ආර්ථිකය තුළ ගල් අඟුරු මත යැපීම අවම කරමින් පරිසර හිතකාමී බලශක්ති ප්රභවයන් වෙත යොමුවීම මෙම ව්යාපෘතියේ ප්රධාන අරමුණයි. මැනිලා නුවර මූලස්ථානය කරගත් Prime Infra Capital සමාගම විසින් මෙහෙයවනු ලබන මෙම ව්යාපෘතිය, පිලිපීනයේ බලශක්ති ක්ෂේත්රයේ මෙතෙක් ක්රියාත්මක වූ අභිලාෂකාමී මෙහෙයුමක් ලෙස සැලකේ. මෙමඟින් ජාතික විදුලිබල පද්ධතියේ ස්ථායීතාව ඉහළ නංවන අතරම, අඛණ්ඩ විදුලි සැපයුමක් සහතික කිරීමට ද හැකියාව ලැබෙනු ඇත.
